Sport

Barcelona fiton Champions League për femra, në finale përmbys Wolfsburg-un…

Barcelona u kurorëzua kampione evropiane për herë të dytë në historinë e saj, pasi mundi Wolfsburg 3-2 në Champions League për Femra, falë një rikthimi të shkëlqyer në pjesën e dytë.

3 Qershor 2023, 19:16 Nga DOSJA
Barcelona fiton Champions League për femra, në finale përmbys

HOLANDE - Barcelona konfirmoi dominimin e saj në futbollin e femrave në vitet e fundit dhe fitoi Champions League për herë të dytë në finalen e saj të katërt në pesë vitet e fundit .

Por që kjo të ndodhte, katër herë kampionet spanjole duhej të bënin një rikthim epik nga 0-2 për të fituar 3-2 kundër Wolfsburgut në stadiumin Philips në Eindhoven.

Gjermanet hynë në mënyrë perfekte në fushë, pasi përfituan nga një gabim i katalanaseve dhe në minutën e 3-të kaluan në avantazh me Eva Payor. Skuadra spanjole u përpoq të rikuperohej nga tronditja, krijuan shumë raste, por pa rezultat. Si të mos mjaftonte kjo, Alexandra Pop shënoi në finalen e katërt të kompeticionit në karrierën e saj dhe u duk se do t'ua dhuronte trofeun “ulkonjave”.

Patrithia Guiharo, kishte një mendim tjetër dhe me dy gola në dy minuta, ia arriti të barazonte në 2-2 deri në minutën e 50-të. Katalanaset ishin edhe më të mirë, vazhduan të humbin mundësitë dhe në minutën e 70-të u justifikuan përpjekjet e tyre.

Në një gabim në mbrojtjen e Wolfsburg-ut, i cili dështoi të pastronte zonën dhe Fridolina Rolfe përfundoi përmbysjen në 3-2, për t'i dhënë Barcelonës trofeun, e cila u rikthye në krye pas një viti mungesë.

B.T (Dosja.al)

Sondazh

Poll

MË SHUMË