Politike

Akuzat për '14 Maj'/ Maliqi kallëzon në SPAK kryebashkiakun e Kuçovës: ‘Pengu’ i oligarkut, mbrohet në KQZ e gjithandej

Maliqi thotë se nuk do të ndalet deri në vendosjen e drejtësisë në vend. 

31 Maj 2023, 11:19 Nga A.B
Akuzat për '14 Maj'/ Maliqi kallëzon në SPAK
Lefter Maliqi

TIRANË- Kandidati i koalicionit ‘Bashkë Fitojmë’ për bashkinë e Kuçovës, Lefter Maliqi ka kallëzuar në SPAK kryebashkiakun Kreshnik Hajdari. Maliqi akuzon Hajdarin për blerje votash ndërsa thekson se procesi zgjedhor më 14 maj u manipulua.

Maliqi thotë se nuk do të ndalet deri në vendosjen e drejtësisë në vend. 

“Tjetër kallëzim në SPAK kundra ‘pengut’ të Oligarkut Pëllumb Hajdari, i cili e mbron në KQZ, SPAK e gjithandej. Miliardat dhe pasuritë e tij me taksat e qytetarëve me të cilat mund të blejë çdo gjë, por jo dinjitetin dhe të vërtetën! E drejta jonë e përbashkët do të triumfojë! Bashkinë Kuçovë të grabitur nën ndikimin e Oligarkut dhe narkoshtetit do ja kthejmë banorëve. S’ka kthim prapa! Unë nuk ndalem deri në vendosjen e drejtësisë në vend! Kuçova do të kthehet në ‘Kantier Ndërtimi’! Ju do merrni kushtet që keni nevojë dhe jo një Bashki që fle përpara hallit tuaj!”, thuhet në reagimin e Maliqit.

lefter maliqi kreshnik maliqi

Sondazh

Poll