Sport

Zbulohet oferta e parë e Barcelonës, ja sa do të paguhet Leo Messi!

Barça, e shtyrë nga Lionel Messi, i cili dëshiron të vendosë për të ardhmen e tij në ditët në vijim, i ka dërguar një ofertë të parë argjentinasit.

30 Maj 2023, 21:11 Nga DOSJA
Zbulohet oferta e parë e Barcelonës, ja sa do të paguhet Leo

SPANJE - Barcelona nuk ka më kohë. Në fund të kontratës në qershor me Paris Saint-Germain, Lionel Messi do të donte ta rregullonte sa më shpejt të ardhmen e tij dhe do të ushtronte presion mbi drejtuesit katalanas për të marrë një ofertë prej tyre. 

Problemi është se Joan Laporta ende nuk ka mundur të sigurojë miratimin e planit të tij të qëndrueshmërisë në La Liga, për të bërë të mundur një propozim që do t'i bëhet argjentinasit. Ndërkohe Arabia Saudite tashmë i ka ofruar një kontratë marramendëse prej 1.2 miliardë euro ‘Pleshtit’.

Por padyshim, situata është gati të zhbllokohet në Spanjë. Në të vërtetë, sipas raportimeve të Marta Ramon, gazetare në radio  RAC 1, një ofertë “jozyrtare” prej 25 milionë eurosh bruto për sezonin i është bërë klanit Messi, me një vit opsional. 

Kampioni i botës 2022 do ta shihte këtë me një sy pozitiv dhe vazhdon të diskutojë me trajnerin, Xavi Hernandez, për të vendosur për të ardhmen e tij. Vendimi i tij përfundimtar pritet për javën e ardhshme, pas javës së 38-të të Ligue 1, të planifikuar për këtë të shtunë kundër Clermont-Ferrand në Parc des Princes. 

B.T (Dosja.al)

Sondazh

Poll

MË SHUMË