Bota

Kryepeshkopi grek takohet me djalin e Fredi Belerit: Do flas me kryepeshkopin Anastas për arrestimin e tij

Fortlumturia e tij u njoftua nga Beleri për gjendjen shëndetësore të të atit dhe shprehu ngushëllimin e tij njerëzor.

30 Maj 2023, 18:31 Nga I.A
Kryepeshkopi grek takohet me djalin e Fredi Belerit: Do flas me kryepeshkopin
Petro Beleri dhe peshkopi

GREQI- Kryepeshkopi i Athinës dhe i gjithë Greqisë Hieronymos u takua sot me Petro Belerin, djalin e kryebashkiakut të zgjedhur të Himarës, Fredi Beleri, i cili ndodhet në burgun e Tiranës që prej datës 12 maj. Fortlumturia e tij u njoftua nga Beleri për gjendjen shëndetësore të të atit dhe shprehu ngushëllimin e tij njerëzor.

Ai gjithashtu vuri në dukje se për shkak se çështja është jashtëzakonisht delikate dhe ka të bëjë me të drejtat e pakicave etnike në Shqipëri, ai do të komunikojë me kompetencë me Ministrin e Punëve të Jashtme dhe me Kryepeshkopin e Tiranës dhe gjithë Shqipërisë Anastas.

GJKKO dha vendimin “Arrest me burg” për kryebashkiakun e zgjedhur të Himarës, Fredi Beleri dhe bashkëpunëtorin e tij, Pandeli Kokaveshi. Arrestimi i tij është bërë dy ditë para zgjedhjeve të 14 majit, pasi akuzohet për shitblerje votash. Kjo ngjarje solli reagime edhe nga pala greke, e cila ka bërë shpesh thirrje për lirimin e Belerit./Dosja.al

arrestohet fredi beleri petro beleri

Sondazh

Poll

MË SHUMË