Bota

“Dhuna duhet të ndalet menjëherë”, ambasadori Rohde i shqetësuar për situatën në Kosovë

Po ashtu, ai u ka uruar shërim të shpejtë të lënduarve.

29 Maj 2023, 21:52 Nga k.m.
“Dhuna duhet të ndalet menjëherë”, ambasadori Rohde i
Jorn Rohde

PRISHTINË- Ambasadori i Gjermanisë në Kosovë Jorn Rohde ka shkruar në Twitter se çdo veprim i dhunshëm ndaj ushtarëve të misionit të KFOR dhe gazetarëve është i papranueshëm dhe duhet ndalur menjëherë. Në reagimin e tij, ai u ka uruar shërim të shpejtë të lënduarve. Kujtojmë se janë lënduar 41 ushtëtarë të KFOR, prej tyre 11 janë shtetas italianë

“Çdo veprim i dhunshëm ndaj NATO/KFOR dhe gazetarëve është absolutisht e papranueshme dhe duhet të ndalet tani – nevoja e menjëhershme për të depërshkallëzuar. Faleminderit të gjitha forcave të KFOR-it në terren. Të lënduarve u uroj shërim të shpejtë,”-shkruan Jorn Rohde.

Çfarë po ndodh në veri të Kosovës?

Qytetarët serbë kanë tentuar sërish të bllokojnë objektet e komunave dhe të pengojnë hyrjen e kryetarëve të rinj shqiptar. Policia e Kosovës dhe KFOR kanë rrethuar ndërtesat zyrtare ndërsa situata është përshkallëzuar teksa kanë hedhur gaz lotsjellës për të shpërndarë turmën. Për shkak të rindezjes së tensioneve është njoftuar se shkollat në veri të Kosovës do të mbyllen dhe mësimi do të pezullohet përkohësisht. Për zhvillimet e fundit në veri ka pasur reagime të shumta nga Shtetet e Bashkuara të Amerikës dhe Bashkimi Evropian të cilët kërkuan të mos përshkallëzohet situata pasi që kjo nuk ndihmon në procesin e dialogut mes dy vendeve.

jorn rohde tensionet në veri të kosovës

Sondazh

Poll

MË SHUMË