Sport

Inter mposht Atalantën dhe siguron Champions League në mënyrë aritmetike…

Në Meazza, skuadra e Inzaghit e nisi fuqishëm me ‘shkreptimat’ e Lukakut dhe Barellas, më pas Lautaro e mbyll ndeshjen pas golit të Pasaliçit. Në kohën e shtuar edhe një autogol i Onanës pas një gjuajtje të Muriel. ‘Perëndesha’ jashtë garës për vendin e katërt

28 Maj 2023, 08:00 Nga DOSJA
Inter mposht Atalantën dhe siguron Champions League në

ITALI - Misioni i realizuar për Interin. Në ditën e parafundit të Serisë A, skuadra e Inzaghit mundi 3-2 Atalantën dhe në mënyrë aritmetike siguroi pjesëmarrjen për Champions League e radhës. 

Në ‘Meazza’, fillimi i Interit ishte shkatërrues: Lukaku zhbllokoi lojën pas vetëm 39 sekondash, më pas Barella dyfishoi rezultatin në minutën e 3'. Dy gola vdekjeprurës që vulosën ndeshjen dhe rezultatin. Pas golit të Pasalic (36') që shkurtoi distancën.

Por në fakt, në pjesën e dytë, Lautaro (77') shënoi treshen pas një loje të shkëlqyer të Big Rom. Onana (90’+1) shkakton autogol pas një gjuajtje të Muriel dhe shkon në 3-2, por nuk ka më kohë për ta vazhduar lojën. 

Tre gola, një fillim i frikshëm dhe një LuLa i mrekullueshëm. Interi e arkivon ‘dosjen’ e Atalantës me një paraqitje solide dhe brilante dhe, në pritje të finales me Cityn, siguron pjesëmarrjen në Champions League me një ndeshje të lirë. Kundër ‘Perëndeshës’ nganjëherë skuadra e Inzaghit luan futboll spektakolar, dhe pavarësisht disa emocioneve në finale, ata sjellin në shtëpi sukses të plotë. 

Në ‘San Siro’ ishte Lukaku ai që doli në skenë me një gol rrufe dhe shumë lojëra të mira, por në fitoren ndaj Atalantës paten pjesë edhe Lautaro dhe Barella. Një fitore që jep siguri në të tashmen dhe besim e moral në të ardhmen, në kuadër të aktit të fundit të Champions League në Stamboll. Me LuLa në këto kushte dhe me kaq shumë lojtarë të mirë, asgjë nuk është e pamundur. 

Interi pronoton vendin për në Champions League e ardhshme dhe mund të fokusohet në finalen e Stambollit. Ndërsa për Atalantën nga ana tjetër, lufta për një vend në ‘Top-4’ përfundon në ‘San Siro’.

B.T (Dosja.al)

Sondazh

Poll

MË SHUMË