Bota

Zgjedhjet në Turqi: Erdogan është favorit absolut – Çfarë tregojnë sondazhet e fundit

Në raundin e dytë të garës, Rexhep Tajip Erdogan ka nga i pari një epërsi prej gati pesë pikësh (49.5%) ose ndryshe 2.5 milionë vota, kundrejt kundërshtarit të tij Kemal Kilicdaroglu (44.5%), kandidat i një aleance heterogjene me spektër të gjerë prej gjashtë partish (nga e djathta nacionaliste në qendrën e majtë).

27 Maj 2023, 10:30 Nga k.m.

Zgjedhjet në Turqi: Erdogan është favorit absolut –

Rexhep Tajip Erdogan dhe Kemal Kilicdaroglu

ANKARA- Turqia po përgatitet për raundin e dytë të paprecedentë të zgjedhjeve të nesërme, në të cilin do të dalë presidenti i saj, pasi fushata zgjedhore përfundoi mbrëmë, plot premtime dhe mallkime kundër kurdëve dhe refugjatëve sirianë nga dy rivalët. Në raundin e dytë të garës, Rexhep Tajip Erdogan ka nga i pari një epërsi prej gati pesë pikësh (49.5%) ose ndryshe 2.5 milionë vota, kundrejt kundërshtarit të tij Kemal Kilicdaroglu (44.5%), kandidat i një aleance heterogjene me spektër të gjerë prej gjashtë partish (nga e djathta nacionaliste në qendrën e majtë).

Sondazhet e fundit të opinionit vërtetojnë epërsinë e kreut të shtetit, ata e vendosin Erdoganin me 5 pikë përpara. Pavarësisht kësaj aritmetike, e cila apriori favorizon sunduesin e lojës politike në Turqi në 20 vitet e fundit, ka ende një variabël të panjohur: janë 8.3 milionë votat e qytetarëve që nuk u shprehën në raundin e parë, megjithëse pjesëmarrja arriti në 87%.

Tashmë në diasporën turke, anëtarët e së cilës kishin kohë për të votuar deri të martën mbrëma, pjesëmarrja ishte më e lartë (1.9 milionë kundrejt 1.69 milionë) sesa në raundin e parë. Përveç atyre që zgjodhën të abstenonin, të dy kampet flirtuan pas 14 majit me ultranacionalistët.

Nënkampioni i raundit të parë Sinan Ogan (5% e votave), një ish-zyrtar i MHP-së, vendosi që në raundin e dytë të dalë në krah të Erdogan. I tronditur nga një disfatë e papritur në raundin e parë, Kemal Kilicdaroglu, 74 vjeç, u zhduk nga ekranet televizive të nesërmen e zgjedhjeve për t'u rishfaqur në ditën e katërt, pasi u rishpik si një kandidat luftarak. Buzëqeshjet dhe zemrat e bëra me gishta në mitingjet e tij të fushatës u zëvendësuan me grushte të shtrënguar dhe premtime se refugjatët sirianë do të ktheheshin në atdheun e tyre "një ditë pas fitores". Një kërcënim që ai e përsëriti disa ditë më vonë, duke këmbëngulur se Turqia nuk do të shndërrohej në një "magazinë emigrantësh".

Më pas, ai moderoi disi qëndrimet e tij ndaj sirianëve dhe i bëri thirrje Evropës që të mbajë premtimin.

“Do ta rregullojmë situatën, do ta shihni,”- u tha ai të rinjve.

Turqia, me të paktën 3.4 milionë refugjatë sirianë (sipas të dhënave zyrtare), pa llogaritur qindra mijëra afganë, iranianë dhe irakenë në territorin e saj, është vendi pritës për shumicën e refugjatëve në botë për momentin. Nga ana tjetër, presidenti Erdogan, 69 vjeç, u shfaq edhe më energjik pas rezultatit të raundit të parë dhe mbajti fjalime të njëpasnjëshme.

rexhep tajip erdogan kemal kilicdaroglu zgjedhjet ne turqi