Aktualitet

Arrestimi i Laert Haxhiut, udhëtonte me Juxhin Barjamin

Drejtuesi i mjetit që erdhi nga Athina për të marrë banditin e rrezikshëm dhe një person tjetër nga një pikë kufitare (po ashtu shqiptar) kishte angazhuar Policinë në vitin 2021, pasi kishte mbetur i plagosur gjatë një atentati në vitin 2021 kur iu vra kushëriri. 

24 Maj 2023, 10:21 Nga k.m.
Arrestimi i Laert Haxhiut, udhëtonte me Juxhin Barjamin
Laert Haxhiu

GREQI- Liria mori fund dje për Laert Haxhiun, të riun e shumëkërkuar nga drejtësia shqiptare. 31-vjeçari nga Lushnja u vu në pranga në Janinë, nga një kontroll i rastësishëm në rrugë. Por në mjetin luksoz "X5" nuk ishte i vetëm. Drejtuesi i mjetit që erdhi nga Athina për të marrë banditin e rrezikshëm dhe një person tjetër nga një pikë kufitare (po ashtu shqiptar) kishte angazhuar Policinë në vitin 2021, pasi kishte mbetur i plagosur gjatë një atentati në vitin 2021 kur iu vra kushëriri. 

Arrestimi i Laert Haxhiut, udhëtonte me Juxhin Barjamin
Marius Dhiamandi

Bëhet fjalë për Juxhin Bajramin, i cili u plagos gjatë atentatit ndaj biznesmenit Marius Dhiamandi, i cili u qëllua për vdekje në 16 nëntor 2016 para karburantit të tij në Tebë të Athinës. 

Autorët e vrasjes së tij dyshohet se ishin dy persona me origjinë shqiptare. Kjo sepse pasi iu afruan karburantit shkëmbuan disa fjalë me shënjestrën, pastaj e vranë.

Arrestimi i Laert Haxhiut, udhëtonte me Juxhin Barjamin
Pika e karburantit

Policia bëri lidhjen mes dy vrasjeve të ndodhura në muajin nëntor në Greqi: atë të Dhiamandit dhe të një falsifikatori dokumentesh identifikimi. Grupi kriminal kishte qarkulluar 5 milionë euro në 8 vite nëpërmjet tjetërsimit të identiteve dhe shumica e “klientëve” të këtij grupi kriminal ishin shqiptarë. Ndoshta klient ka qenë edhe Haxhiu, i cili qarkullonte me dokumente false gjeorgjiane. Për më tepër që tashmë i riu nga Lushnja shoqërohej me të afërmin e tij që i shpëtoi atentatit. Ndërkohë identiteti i shqiptarit tjetër, ende mbetet mister. 

arrestohet laert haxhiu laert haxhiu

Sondazh

Poll