Sport

Xavi ve ‘gishtin në plagë’, i ashpër me aktet e racizmit: "Futbolli është i vetmi sport, që ende nuk e di, pse i toleron ofendimet"

Xavi ka dënuar ashpër fyerjet raciste që pësoi Vinicius Jr të dielën në Valencia. Trajneri i Barcelonës u ankua gjithashtu se futbollistët në tërësi vazhdimisht pësojnë ofendime nga tifozët në stadiume.

22 Maj 2023, 19:59 Nga DOSJA
Xavi ve ‘gishtin në plagë’, i ashpër me aktet e

SPANJE - Trajneri i Barcelonës, Xavi Hernandez, nuk ka qenë indifferent, por ka folur për sharjet raciste ndaj Vinicius Jr: “Fatkeqësisht ka ende raste të racizmit dhe kjo është turp. Të ndodhin këto gjëra në vitin 2023 është e trishtueshme dhe për të ardhur keq. 

Ne duhet të dënojmë çdo akt racizmi, në çdo fushë, kundër çdo lojtari, si ai që Vinicius pësoi dje në Mestalla... Këtu nuk ka stemë. Mendoj se Valencia po bën të nevojshmen, po përpiqet t'i identifikojë këta njerëz dhe t'i dënojë. Duhet të veprojmë sepse duket se nuk po ecim përpara, duhet të bëjmë një përpjekje të madhe për të çrrënjosur një herë e përgjithmonë racizmin.

Futbolli është i vetmi sport që, nuk e di pse, i toleron ende ofendimet. Domethënë jam në pankinë dhe më thonë “biri i...” apo çfarë të imagjinoni, ndërkohë që unë jam duke punuar. 

Unë nuk shoh ndonjë bukëpjekës, ndonjë punëtor, apo ndonjë gazetar, ta pësojë këtë, apo jo? Por në botën e futbollit, kjo ndodh. Unë mendoj se është koha për të ndaluar të gjithë për këtë. Mendoj se ky është një mesazh për presidentin e La Ligës, të Federatës: e gjithë kjo duhet të ndalet. Pse duhet të duroj ofendimet?

B.T (Dosja.al)

Sondazh

Poll

MË SHUMË