Bota

Gara mes Mitsotakis dhe Tsipras/ Kur do të fillojë numërimi i votave në Greqi

Ministria e Brendshme e Greqisë vlerësoi se deri në orën 22:00 pritet të numërohen rreth 80 për qind e votave.

21 Maj 2023, 13:35 Nga f.i
Gara mes Mitsotakis dhe Tsipras/ Kur do të fillojë numërimi i
Tsipras dhe Mitsotakis

GREQI- Në Greqi, të dielën, më 21 maj, u hapën qendrat e votimit për zgjedhjet parlamentare, në të cilat votuesit zgjedhin 300 deputetë për një mandat katërvjeçar. Të drejtë vote kanë 9.8 milionë grekë, të cilët do të zgjedhin deputetë në parlamentin njëdhomësh.

Në të gjithë vendin, 22.000 qendra votimi duhet të jenë të hapura deri në orën 19:00. Ministria e Brendshme e Greqisë vlerësoi se deri në orën 22:00 pritet të numërohen rreth 80 për qind e votave. Kryeministri dhe lideri i të djathtës Demokracia e Re, Kyriakos Mitsotakis, shpalli zgjedhjet parlamentare më 28 mars, pas aksidentit të trenit, i cili shkaktoi rënien e mbështetjes afatgjate për partinë e tij në pushtet.

I dobësuar nga një skandal përgjimi që përfshin disa figura publike dhe politike, Mitsotakis përballet me opozitën e dominuar nga partia Syriza e ish-kryeministrit Alexis Tsipras dhe PASOK (Lëvizja për Ndryshim) e Nikos Androulakis. /REL

zgjedhjet ne greqi 2023

Sondazh

Poll

MË SHUMË