Sport

Joshua Kimmich shumë kritik dhe ve “gishtin në plagë”, te situata delikate e Bayernit

Mesfushori bavarez që e përfundoi ndeshjen dukshëm i mërzitur, vuri në dukje gabimet e skuadrës gjatë rrjedhës

21 Maj 2023, 11:40 Nga DOSJA
Joshua Kimmich shumë kritik dhe ve “gishtin në

GJERMANI - Bayern Munich nuk po kalon momentin më të mirë dhe me humbjen në shtëpi ndaj RB Leipzig (1-3) mund t'i ketë thënë lamtumirë Bundesligës, pasi Dortmundi tani varet nga vetja për të fituar titullin. 

Në fund të ndeshjes, një nga lojtarët e skuadrës bavareze, Joshua Kimmich (28 vjeç), i cili këtë javë ka qenë në lajme, pas informacioneve nga MD, ku zbuloi se është një opsion real për FC Barcelona, ishte shumë kritik ndaj sezonit të skuadrës gjermane. 

Për median gjermane ‘Sport1’, ai theksoi se “na ka ndodhur shumë shpesh këtë sezon që kemi kontrolluar pjesën e parë, kemi krijuar raste, kemi dominuar, kemi shënuar dhe më pas befas jemi ndalur. Po bëjmë shumë gabime si sot. Pësuam gola nga këndi ynë dhe dy me penallti." 

Mesfushori i Bayernit shtoi se "na ka ndodhur shumë herë, veçanërisht në pjesën e dytë të sezonit. Nuk mundëm të mbanim të njëjtin intensitet, si në pjesën e parë gjatë gjithë lojës".

Kimmich, i cili e përfundoi ndeshjen me një fytyrë shumë serioze dhe dukshëm të mërzitur, nuk u pyet për të ardhmen e tij në ditën kur humbja mund ta kishte lënë atë pa atë që do të ishte Bundesliga e tij e tetë. Për t’u rikthyer te titulli, bavarezët duhet të fitojnë ndeshjen e fundit dhe të shpresojnë që Dortmundi të mos fitojë dy ndeshjet që i kanë mbetur. 

B.T (Dosja.al)

Sondazh

Poll

MË SHUMË