Bota

OKB: Një miliard njerëz në 43 vende janë të ekspozuar ndaj kolerës

Kolera shkakton diarre dhe të vjella dhe mund të jetë jashtëzakonisht e rrezikshme për fëmijët e vegjël. OKB-së i duhen 640 milionë dollarë për t'u marrë me këtë sëmundje infektive, por ka thënë se sa më gjatë të presim për të rritur reagimin, aq më keq do të përkeqësohet situata.

19 Maj 2023, 16:50 Nga k.m.
OKB: Një miliard njerëz në 43 vende janë të ekspozuar
OKB

SHBA- Gjithsej një miliard njerëz në 43 vende janë të ekspozuar ndaj kolerës, kështu paralajmëron Organizata e Kombeve të Bashkuara, duke vënë në dukje se ndërsa mjetet për të frenuar "këtë pandemi të të varfërve" janë të njohura, burimet për t'i vënë ato në veprim mungojnë.

“Ka një pandemi që po vret të varfërit para syve tanë dhe ne e dimë saktësisht se si ta ndalojmë atë, por ne kemi nevojë për më shumë mbështetje dhe më pak mosveprim nga komuniteti ndërkombëtar, sepse nëse nuk veprojmë tani, situata do të përkeqësohet,"-paralajmëron Jerome Pfaffmann Zabruni, kreu i shërbimit të urgjencave të shëndetit publik të UNICEF-it, gjatë një konference për shtyp në Gjenevë.

Ndërsa kolegu i tij, Henry Grey, i cili është përgjegjës për luftimin e sëmundjes, e cila përhapet kur mungon kanalizimi dhe uji i pijshëm. shtoi: Organizata Botërore e Shëndetësisë vlerëson se një miliard njerëz në 43 vende janë të rrezikuar nga kolera.

Kolera shkakton diarre dhe të vjella dhe mund të jetë jashtëzakonisht e rrezikshme për fëmijët e vegjël. OKB-së i duhen 640 milionë dollarë për t'u marrë me këtë sëmundje infektive, por ka thënë se sa më gjatë të presim për të rritur reagimin, aq më keq do të përkeqësohet situata.

Sipas Organizatës Botërore të Shëndetësisë, fushatat e vaksinimit përballen me pengesa serioze. Deri më tani këtë vit, 24 vende kanë raportuar shpërthime të kolerës, nga 15 në mes të majit 2022. Vendet që nuk preken normalisht nga kolera tani janë viktima dhe shkalla e vdekshmërisë është shumë më e lartë se 1% e vërejtur normalisht.

Henry Grey ia atribuon rritjen e rasteve varfërisë, ndryshimeve klimatike dhe lëvizjeve të popullsisë që ato shkaktojnë.

"Ndërsa numri i vendeve të prekura nga kolera rritet, burimet në dispozicion për parandalim dhe kujdes janë zgjeruar,"- thotë ai.

Vaksina është një shembull: më shumë se 18 milionë doza u kërkuan këtë vit, por vetëm 8 milionë ishin në dispozicion, duke detyruar fushatat e vaksinimit të ndalen. OBSH u detyrua të rekomandonte një dozë të vetme të vaksinës, në vend të dy të nevojshme, duke rezultuar në mbrojtje më pak afatgjatë.

"E ardhmja është e errët,"- paralajmëron Henry Grey.

Në total, OBSH-ja dhe UNICEF-i, të cilët punojnë ngushtë së bashku për të luftuar kolerën, kanë nevojë përkatësisht 160 milionë dollarë dhe 480 milionë dollarë gjatë 12 muajve të ardhshëm për të vepruar në më shumë se 40 vende.

raporti i okb okb semundja e koleres

Sondazh

Poll

MË SHUMË