Sport

“Çudira shqiptare!”, tri javë para fundit të kampionatit, shkarkohet trajneri i Erzenit

Ekipi shijakas gjendet në zonën e ‘play-out’-it me 39 pikë, me vetëm 3 pikë më tepër nga vendi i parafundit. Ndeshjen e radhës, Erzeni do ta luajë ndaj Egnatias në Rrogozhinë.

19 Maj 2023, 10:25 Nga DOSJA
“Çudira shqiptare!”, tri javë para fundit të

TIRANE - Nuk mund të shpëtonte nga ‘çudirat shqiptare’ edhe kampionati i 84-t i Superiores. Mësohet se Xhevahir Kapllani nuk do të jetë më trajner i Erzenit. Ky është lajmi më i fundit që vjen nga kampi shijakas, teksa dihet nga të gjithë se pas tri javësh mbyllet edhe sezoni 2022-2023. 

Gjithsesi, kjo nuk i ka frenuar drejtuesit e klubit të Erzenit, që pas një mbledhje të gjatë mbrëmë, të vendosin për të ndërprerë bashkëpunimin me trajnerin durrsak Kapllani. Humbja 1-2 ndaj Bylisit të mërkurën në ‘Niko Dovana’ ishte shkaku që e mbushi kupën për të marrë një vendim të tillë drastik. Arsyeja? Rezultatet e fundit të pakënaqshme.

Pritet të shihet se çdo të ndodhë te Erzeni me Kapllanin tanimë të larguar. Si kundër dihet ekipi shijakas gjendet në vendin e tetë me 39 pikë, duke qenë vetëm 3 pikë para vendit të parafundit dhe në zonën e “play-out”. Ndeshjen e radhës, skuadra shijakase e Erzenit do ta luajë ndaj Egnatias në Rrogozhinë.

B.T (Dosja.al)

Sondazh

Poll

MË SHUMË