Bota

Kovaçevski: Bullgaria po na trajton ne ashtu siç po trajton Rusia Ukrainën

Marrëdhëniet mes dy vendeve kanë qenë problematike vitet e fundit.

18 Maj 2023, 16:10 Nga I.A
Kovaçevski: Bullgaria po na trajton ne ashtu siç po trajton Rusia
Dimitar Kovaçevski

SHKUP- Kryeministri i Maqedonisë së Veriut, Dimitar Kovaçevski, akuzoi Bullgarinë se po e trajton vendin e tij ashtu siç e trajton Rusia Ukrainën.

“Retorika e përdorur nga Bullgaria ndaj Maqedonisë së Veriut , për fat të keq, është shumë e ngjashme me retorikën e përdorur nga Federata Ruse ndaj Ukrainës. Është e papranueshme abuzimi me akuza të tilla të pabaza për qëllime politike, veçanërisht në këtë moment kritik të historisë së Evropës. Maqedonia e Veriut njihet ndërkombëtarisht si një shoqëri dhe demokraci e suksesshme, moderne multietnike dhe këtë e konfirmojnë të gjitha raportet ndërkombëtare për të drejtat e njeriut," tha Kovaçevski.

Marrëdhëniet mes dy vendeve kanë qenë problematike vitet e fundit. Bullgaria gjatë dy viteve të fundit ka bllokuar fillimin e negociatave të anëtarësimit të Maqedonisë së Veriut me BE-në për shkak të dallimeve të hapura etnike, gjuhësore dhe historike midis dy vendeve, gjë që ka ngjallur reagime të forta nga Shkupi. Megjithatë, verën e kaluar, të dy vendet arritën një marrëveshje, bazuar në një propozim nga Bashkimi Evropian, sipas të cilit Sofja do të hiqte veton e saj për hapjen e negociatave të anëtarësimit nga Shkupi me BE, me kusht që Maqedonia e Veriut të vazhdojë me ndryshimin e Kushtetutës së saj dhe të përfshinte pakicën bullgare që jeton në vend.

dimitar kovaçevski

Sondazh

Poll

MË SHUMË