Bota

Hungaria bllokon ndihmën ushtarake të BE-së për Ukrainën: Nuk miratojmë as sanksionet kundër Rusisë

Hungaria nuk ka aprovuar lirimin e këstit të ardhshëm të ndihmës ushtarake për Ukrainën, të ofruar përmes Fondit Evropian të Paqes (EPF), duke kërkuar garanci se rajone të tjera, si Ballkani apo Afrika e Veriut, do të marrin gjithashtu para.

17 Maj 2023, 17:04 Nga f.i
Hungaria bllokon ndihmën ushtarake të BE-së për
Peter Sciarto

HUNGARI- Hungaria do të bllokojë lëshimin e ardhshëm të ndihmës ushtarake të BE-së për Ukrainën, si dhe çdo sanksion të ri kundër Rusisë. Mediat e huaja shkruajnë se ministri i Jashtëm njoftoi se ky bllokim do të ndodhë nëse Kievi nuk heq bankën hungareze OTP nga lista e "donatorëve të luftës".

“Ne nuk mund të japim dritën jeshile për sa kohë që OTP mbetet në listën e zezë.E njëjta gjë vlen edhe për sanksionet”,- tha Peter Sciarto.

Hungaria nuk ka aprovuar lirimin e këstit të ardhshëm të ndihmës ushtarake për Ukrainën, të ofruar përmes Fondit Evropian të Paqes (EPF), duke kërkuar garanci se rajone të tjera, si Ballkani apo Afrika e Veriut, do të marrin gjithashtu para. 

Deri më tani, BE-ja i ka dhënë Ukrainës gjithsej 3.6 miliardë euro përmes këtij instrumenti. Hungaria, një anëtare e BE-së dhe NATO-s, refuzon t'i japë pajisje ushtarake fqinjës së saj Ukrainës dhe ka kritikuar vazhdimisht sanksionet evropiane kundër Rusisë. Megjithatë, deri më tani Hungaria ka pranuar të gjitha masat që janë propozuar.

lufta ne ukraine

Sondazh

Poll

MË SHUMË