Sport

“Lufta civile” italiane: Dy ekipe, një qytet, një biletë… Të dy me sytë nga Stambolli

Gjysmëfinalja Inter - Milan e Champions League nëpërmjet shifrave në letër…

16 Maj 2023, 11:27 Nga DOSJA
“Lufta civile” italiane: Dy ekipe, një qytet, një

ITALI - Interi e ka mposhtur AC Milanin tre herë në të gjitha garat këtë sezon. Ai e ka fituar katër herë në një sezon, një herë më parë në 1973-74 (dy herë në Serie A dhe dy herë në Kupën e Italisë).

Pasi mposhti Interin, në takimin e tyre të parë këtë sezon në shtator, Milani ka humbur tre të fundit kundër kundërshtarëve të tyre, të gjitha pa shënuar, pavarësisht se ka tentuar 31 goditje në ato ndeshje. Asnjëherë në historinë e tyre, kuqezinjtë nuk kanë kaluar katër ndeshje radhazi pa gjetur rrjetën kundër Interit.

Në historinë e Champions League, vetëm një skuadër që e kishte fituar ndeshjen e parë gjysmëfinale me dy ose më shumë gola, më pas nuk arriti të kualifikohej. Kjo ka ndodhur me Barcelonën që dështoi të kapërcejë Liverpoolin në sezonin 2018-19, edhe pse kishte fituar ndeshjen e parë 3-0, humbi të dytën 4-0 në “Anfield”, ku sulmuesi aktual i Milanit, Divock Origi shënoi dy gola në atë ndeshje.

Interi po kërkon të arrijë në finalen e gjashtë të Champions League dhe për herë të parë që nga sezoni 2009-10 nën drejtimin e Jose Mourinhos. Nëse ai shkon përpara, Simone Inzaghi do të bëhet trajneri i pestë italian që udhëheq një ekip italian në finalen e UEFA Champions League, pas Fabio Capello me AC Milan (3 herë), Marcelo Lippi me Juventus (4 herë), Carlo Ancelotti me Milan (3 herë) dhe Massimiliano Allegri me Juventusin (2 herë).

AC Milan ka fituar vetëm një nga 16 ndeshjet e fundit jashtë fushe në fazën eliminatore të UEFA Champions League kundër Bayern Munich në prill 2007 (2-0). Në total, Milani, i cili duhet të shënojë të paktën dy here, ka realizuar vetëm 15 gola në 24 ndeshje jashtë fushe në fazat eliminatore të UEFA Champions League, pra mesatarisht 0.6 për ndeshje.

Interi është i pamposhtur në fazën eliminatore të Champions League këtë sezon (3 fitore, 2 barazime), duke mbajtur katër herë portën të paprekur nga pesë ndeshje. E vetmja skuadër italiane që ka arritur në finalen e kompeticionit, pasi ka mbetur e pamposhtur në 1/16, çerekfinale dhe gjysmëfinale është Juventusi, i cili e arriti këtë në 2014-15 dhe 2016-17.

Të 23 golat e Olivier Giroud në Champions League janë shënuar brenda zonës. Që nga 2003-04, sulmuesi i AC Milan ka qenë golashënuesi më i mirë në kompeticion me 100% të tyre që vijnë nga brenda zonës.

Dimarco i Interit ka pesë asistime në lojë të hapur në Champions League këtë sezon, më së shumti nga çdo lojtar. Sakaq Bastoni ka qenë i përfshirë në faza më të hapura të lojës që kanë rezultuar me gola se çdo qendërmbrojtës tjetër në UEFA Champions League këtë sezon. Ai kryeson të gjithë lojtarët e Interit në kompeticion këtë sezon në prekje të topit (617).

B.T (Dosja.al)

Sondazh

Poll

MË SHUMË