Politike

QARKU SHKODËR/ Në Pukë fiton kandidati i 'Bashkë Fitojmë'! Beci thellon diferencën me Spahiajn, Marinaj kryeson në Malësi të Madhe

Kandidati i PS Benet Beci udhëheq me 60.47% të votave, ndërsa kandidati i Bashkë Fitojmë, Bardh Spahia renditet i dyti me 39.53%. Beci është 4 mijë vota para rivalit të tij.

15 Maj 2023, 07:44 Nga A.B
QARKU SHKODËR/ Në Pukë fiton kandidati i 'Bashkë
Procesi i numerimit

SHKODËR- Ende vijon numërimi në Qarkun e Shkodrës. Nga numërimi i 88 kutive të para nga 247 kuti në total, sipas rezultateve paraprake, kandidati i PS Benet Beci udhëheq me 60.47% të votave, ndërsa kandidati i Bashkë Fitojmë, Bardh Spahia renditet i dyti me 39.53%. Beci është 4 mijë vota para rivalit të tij.

Në Bashkinë e Pukës është mbyllur procesi i numërimit. Kandidati i ‘Bashkë Fitojmë’ Rrok Dodaj është shpallur fitues me 58.13% dhe kandidati socialist Gjon Gjonaj ka marrë 41.87%.

Në Bashkë në Fushë Arrëzit janë numëruar deri më tani 13 nga 16 kuti dhe është drejt fitores kandidati i 'Bashkë fitojmë' Hilë Curri me 60.37%, i cili ndiqet nga rivali i tij i PS Fran Tuçi me 39.63%.

Në Bashkinë e Malësisë së Madhe numërimi është më mbrapa pasi vetëm 4 kuti kanë tashmë rezultat nga 72 gjithsej. Këtu kryeson kandidati i PS Tonin Marinaj me 63% të votave përkundrejt 37% të Usa Ramajt të ‘Bashkë Fitojmë’.

Si shkoi procesi i zgjedhjeve?

Shqipëria mbajti një ditë më parë (14 Maj) zgjedhjet vendore 2023. Qendrat e votimit u hapën në orën 07:00 dhe u mbyllën zyrtarisht në orën 19:00. Tashmë ka nisur procesi i numërimit në disa bashki. Për herë të parë në Kamëz, Vorë dhe Elbasan pati votim dhe numërim elektronik dhe në të treja këto bashki, fitues doli PS. 

Mbi 3.6 milionë qytetarë kishin të drejtë vote, për të zgjedhur 61 kandidatë për kryebashkiakë. Në 61 bashki të vendit ishin të hapura 5213 qendra votimi. Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime./Dosja.al

zgjedhjet lokale 14 maj 2023

Sondazh

Poll