Politike

Berisha nuk e pranon rezultatin e zgjedhjeve në Kamëz: Manipulim monstruoz, e hedhim poshtë!

Në një deklaratë për mediat, Sali Berisha nga selia blu u shpreh se në Kamzë është bërë një manipulim dixhital monstruoz.

14 Maj 2023, 23:01 Nga k.m.
Berisha nuk e pranon rezultatin e zgjedhjeve në Kamëz: Manipulim
Sali Berisha

TIRANË- Koalicioni “Bashkë Fitojmë” nuk do të njohë rezultatin e zgjedhjeve lokale të 14 majit në Bashkinë Kamëz. Por nuk përjashtohen edhe 2 bashkitë e tjera elektronike ku numërimi është bërë në mënyrë elektronike, në Vorë dhe Elbasan. Në një deklaratë për mediat, Sali Berisha nga selia blu u shpreh se në Kamzë është bërë një manipulim dixhital monstruoz.

"Ky është absolutisht një rezultat i gatuar në mënyrë digjitale dhe hidhet poshtë me vendosmëri më të madhe. Shtoj këtu se Kamza është shtuar nga qeveria pa aprovimin e askujt dhe në kundërshtim me kërkesat për tu votuar në mënyrë digjitale. Edhe njëherë them se rezultati i Kamzës pasi u krahasuan rekordet elektorale dhe pollet, janë kryekëput të manipuluara. Kur them për Kamzën, atëherë problemi digjital është totalisht në diskutim dhe dyshim të plotë. Kamza fakton çdo gjë, gjithçka,"-tha Berisha.

FJALA E PLOTË

Të dhënat të besueshme dëshmojnë se Kamza është manipulim digjital monstruoz, monstruoz. Partia Demokratike në vitin 2021 ka qenë 10 mijë vota pas PS-së. Në pollin e pollsterit më të saktë të 13 viteve të fundit, i bërë në fund të shkurti, PD-ja me Partinë e Lirisë ishin 14% para PS-së, ndërkohë që manipulimi digjital e nxjerr sot PS-në 10 mijë vota para këtij koalicionit.

Ky është absolutisht një rezultat i gatuar në mënyrë digjitale dhe hidhet poshtë me vendosmëri më të madhe. Shtoj këtu se Kamza është shtuar nga qeveria pa aprovimin e askujt dhe në kundërshtim me kërkesat për tu votuar në mënyrë digjitale. Edhe njëherë them se rezultati i Kamzës pasi u krahasuan rekordet elektorale dhe pollet, janë kryekëput të manipuluara. Kur them për Kamzën, atëherë problemi digjital është totalisht në diskutim dhe dyshim të plotë. Kamza fakton çdo gjë, gjithçka.

Kemi patur të dhëna, e them këtu, por përsëri nuk mund të nisim paragjykimin. Kemi indicie të tjera në të cilat sistemi është vendosur në kontrolle të dyfishta, por edhe njëherë janë për tu verifikuar këto. Ajo që është reale, është se në 2021, PD-ja ka qenë 10 mijë vota para PS-së dhe në pollin e 27 shkurtit, pra në prag të fushatës ka qenë bashkë me aleatin e vet, 14 pikë përpara PS-së. Ky rezultat është krejtësisht i manipuluar dhe i turpshëm. Tregon një manipulim elektoral të paimagjinueshëm.

sali berisha zgjedhjet lokale 14 maj 2023

Sondazh

Poll

MË SHUMË