Politike

Afera McGonigal/ Berisha: Rama është e shkuara, as presidenti amerikan nuk e fal

Po ashtu Berisha shtoi se përveç ryshfetit ka dhe hipoteza më të rënda për Ramën.    

12 Maj 2023, 12:35 Nga I.A
Afera McGonigal/ Berisha: Rama është e shkuara, as presidenti amerikan
Sali Berisha

TIRANË- Kryetari i Partisë Demokratike Sali Berisha ka deklaruar se dosja McGonigal është e pashmangshme për kryeministrin Edi Rama. Gjatë një konference për mediat, Berisha u shpreh se Rama është e shkuar dhe se as Presidentin amerikan nuk ka të drejtë kushtetuese që ta falë. Po ashtu Berisha shtoi se përveç ryshfetit ka dhe hipoteza më të rënda për Ramën.    

"Unë kam paralajmëruar shqiptarët se dosja McGonigal është absolutisht e pashmangshme në mënyrë absolute për Edi Ramën.
Edi Ramën nuk mund ta falë asnjënjeri. Dy ditë më parë, një mik im i shquar amerikan, më garantoi se as presidenti nuk ka të drejtën kushtetuese të faljes. Do të thotë se Edi Rama është 100 përqind i shkuar. Këtë ma garantoi një mik amerikan që i njeh ligjet në mënyrë të shkëlqyer. Falja presidenciale mund të aplikohet pas dënimit. A do aplikohet apo jo, unë them jo. Nuk u kërkua kot bashkimi i çështjes shqiptare me atë ruse. Ajo lë shumë dyshime të tjera. Se kështu në pamje të parë ato ishin të shkëputura. Por tani kërkohet bashkimi. Nuk po bëj hipoteza, por bashkimi nënkupton se aty ka gjëra të tmerrshme për Edi Ramën. Prokurori i çështjes kërkon lidhje për çështjet kur ato janë në lidhje të qarta. Përveç ryshfetit, dalin hipoteza më të rënda për Edi Ramën," tha Berisha.

sali berisha edi rama

Sondazh

Poll

MË SHUMË