Aktualitet

Aksidenti me pasojë vdekjen e shoqëruesit të ambasadorit rus në Tiranë, Policia reagon pas disa orësh (EMRAT)

Si pasojë e plagëve të marra nga përplasja, ka ndërruar jetë në spital Mironov, 36 vjeç, ndërsa Kukuviç, 30 vjeç, ndodhet në spital, nën kujdesin e mjekëve.

12 Maj 2023, 08:14 Nga A.B
Aksidenti me pasojë vdekjen e shoqëruesit të ambasadorit rus
Aksidenti

TIRANË- Një aksident i rëndë u shënuar mbrëmjen e djeshëm rreth orës 23:10, tek mbikalimi në Mjull Bathore, në aksin Tiranë-Elbasan, me pasojë jetë njerëzish. Automjeti i ambasadës ruse, me drejtues Andrea Kukuviç, dhe pasagjer Sergei Mironov, është përplasur me banderolën metalike të rrugës, ka dalë nga rruga dhe më pas është përplasur me bordurën. Si pasojë e plagëve të marra nga përplasja, ka ndërruar jetë në spital Mironov, 36 vjeç, ndërsa Kukuviç, 30 vjeç, ndodhet në spital, nën kujdesin e mjekëve.

NJOFTIMI I POLICISË:

Më datë 11.05.2023, rreth orës 23:10, te mbikalimi në Mjull Bathore, automjeti i ambasadës ruse, me drejtues shtetasin A. K., dhe pasagjer shtetasin S. M., është përplasur me banderolën metalike të rrugës, ka dalë nga rruga dhe më pas është përplasur me bordurën.

Si pasojë e plagëve të marra nga përplasja, ka ndërruar jetë në spital shtetasi rus S. M., 36 vjeç, ndërsa shtetasi A. K., 30 vjeç, ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.

andrea kukuviç sergei mironov aksidentohet makina e ambasades ruse

Sondazh

Poll

MË SHUMË