Sport

Nuk ka shpëtim për Serbinë, UEFA i vendos sanksione për thirrjet kundër Kosovës!...

UEFA ka marrë ditën e sotme vendimin për të dënuar kombëtaren e Serbisë për thirrjen raciste të tifozëve të tyre në përballjen e vlefshme për kualifikueset e “Euro 2024”, ndaj Malit të Zi.

11 Maj 2023, 21:22 Nga DOSJA
Nuk ka shpëtim për Serbinë, UEFA i vendos sanksione për

ZVICER - Organi më i rëndësishëm ekzekutiv i futbollit në Evropë, UEFA ka marrë ditën e sotme vendimin për të dënuar kombëtaren e Serbisë për thirrjet raciste të tifozëve të tyre në përballjen e vlefshme për kualifikueset e “Euro 2024”, ndaj Malit të Zi.

Edhe pse, Serbia arriti fitore 2-0 në Podgoricë, tifozët serbë vazhduan “avazin e vjetër” duke kënduar këngë dhe fyerje kundër Kosovës. Për këtë arsye, UEFA e ka dënuar Federatën e Futbollit të Serbisë me 50 mijë euro gjobë dhe në ndeshjen e radhës në “shtëpi”, përballë Hungarisë, do ta luajnë pa praninë e tifozëve.

Ndërkaq, pa u ndëshkuar nuk ka shpëtuar as Federata e Futbollit të Malit të Zi, e cila është gjobitur me 20 mijë euro gjobë, si dhe do të luajë ndeshjen e radhës, ndaj Bullgarisë në “shtëpi”, pa tifozë në tribuna

B.T (Dosja.al)

Sondazh

Poll