Sport

Pse Leverkusen ka më shumë shanse tani për të marrë Xhakën

Mund të jenë rritur shanset e Bayer Leverkusen për transferimin e Granit Xhakës. Mesa duket Leonita Xhaka dëshiron të kthehet në Rheinland dhe mund të bindë bashkëshortin e saj që të bëjë këtë zgjedhje për në kampionatin gjerman.

11 Maj 2023, 09:28 Nga DOSJA
Pse Leverkusen ka më shumë shanse tani për të marrë

GJERMANI - Xabi Alonso (41) dëshiron të sjellë Granit Xhakën (30) si pozicionin me numër gjashtë tek Leverkuseni i tij i ri për sezonin e ardhshëm. Klubi aktual i kapitenit të përfaqësueses zvicerane, Arsenali, thuhet se është i hapur për një transferim. Londinezët kërkojnë 15 milionë stërlina për mesfushorin e tyre. Thashethemet thonë se mund të ketë edhe një marrëveshje shkëmbimi me ndonjë lojtarë që mund t’i interesojë Arsenali dhe mes emrave që Arteta i ka vënë syrin thuhet që është lojtari i krahut, 24-vjeëari Moussa Diaby.

Bayer Leverkusen ishte i interesuar për mesfushorin e përfaqësues zvicerane edhe verën e kaluar, por transferta dështoi në atë kohë për shkak të tarifës së kërkuar të transferimit prej 30 milionë frangash. Dhe tani shanset për klubin e gjerman mund të rriten.

Sipas “kicker”, Leonita Xhaka (30), gruaja e futbollistit me origjinë nga Kosova, dëshiron të kthehet në vendlindjen e saj në Rheinland. Të dy u takuan dhe u dashuruan gjatë kohës që ylli i përfaqësueses zvicerane lunate në Bundesligë me skuadrën e Mönchengladbach. Modelja dhe futbollisti u martuan në vitin 2017 dhe që atëherë janë bërë prindër të dy vajzave (2 dhe 3 vjeç).

Mirëpo, është e mundur edhe që familja Xhaka të qëndrojë në Londër për një periudhë më të gjatë. Graniti aktualisht po shijon periudhën e tij më të suksesshme në Arsenal që nga debutimi i tij për Gunners kundër Liverpool-it më 14 gusht 2016. Xhaka ka ende kontratë deri në vitin 2024. Mesa duket tashmë ka pasur bisedime fillestare për ta zgjatur atë edhe me një vit. 

B.T (Dosja.al)

Sondazh

Poll

MË SHUMË