Bota

Po bënte kamp me familjen në pyllin e largët në Miçigan/ 8-vjeçari humbet gjurmët, 150 persona vihen në kërkim të tij, mbijetoi duke ngrënë borë

Të hënën ai u gjet nën trungun e tij në gjendje të mirë shëndetësore, rreth dy milje nga kampi i tij.

10 Maj 2023, 14:44 Nga a.l

Po bënte kamp me familjen në pyllin e largët në

SHBA- Një djalë tetë vjeçar i humbur në pyjet e largëta të Miçiganit mbijetoi për dy ditë duke ngrënë borë dhe duke u fshehur nën një trung për strehim. Mediat e huaja raportojnë se, Nante Niemi u zhduk të shtunën teksa po bënte kamp me familjen e tij në parkun shtetëror Porcupine Mountains. Ai humbi ndërsa po ecte për të mbledhur dru zjarri. Në kërkim u vunë rreth 150 persona për ta shpëtuar. Të hënën ai u gjet nën trungun e tij në gjendje të mirë shëndetësore, rreth dy milje nga kampi i tij.

“Ai i kishte përballuar elementët duke u strehuar nën një trung ku më në fund u gjet”, tha Policia e Shtetit të Miçiganit në një deklaratë.

Djali i tha policisë se hëngri borë të pastër për hidratim. Menjëherë pasi u ngrit alarmi të shtunën, nëna e tij falënderoi njerëzit për mbështetjen e tyre, por iu lut të gjithëve që "ju lutemi të qëndroni larg, do ta bëjë më të vështirë gjetjen e tij. 

Policia e Shtetit tha se terreni është shumë i largët dhe kodrinor me shumë ujëra të ndenjura për shkak të kohës së vitit. Disa rrugë ishin të pakalueshme për shkak të sasisë së borës. Ekipi u fokusua në një zonë afërsisht 40 milje katrorë (100 km katror) në park, derisa gjetën shëndoshë e mirë djalin e mitur. 

nante niemi

Sondazh

Poll

MË SHUMË