Sport

Tronditet ambienti bardhezi, mund të ketë një sanksion të ri për Juventusin!

Coni përcakton se procesi ndaj Juventusit për çështjen e fitimeve kapitale u rihap në mënyrë legjitime, ndaj skuadra italiane rrezikon të penalizohet sërish.

9 Maj 2023, 08:29 Nga DOSJA
Tronditet ambienti bardhezi, mund të ketë një sanksion të ri

ITALI - Retë e zeza janë kthyer për Juventusin në lidhje me 'rastin e fitimeve kapitale'. Kolegji i Garancive Sportive të Komitetit Olimpik Italian (CONI) ka përcaktuar se rihapja e çështjes ndaj skuadrës torineze, e cila rezultoi në një sanksion prej 15 pikësh në klasifikim, ishte legjitim, ndaj 'bardhezinjtë' ekspozohen sërish në një tjetër ndëshkim sportiv për falsifikimin e llogarive në shitjen e disa lojtarëve.

CONI vendosi në fund të prillit që sanksioni i vendosur ndaj Juventusit të rivlerësohej pas pretendimit të tij në Federatën Italiane (FIGC), për të cilin ktheu 15 pikët e zbritura skuadrës së Massimiliano Allegrit.

Do të ketë një tjetër sanksion, por më pak të ashpër

Tashmë, pasi ka shqyrtuar të gjithë procedurën, CONI ka konstatuar se rihapja e çështjes ka qenë e saktë, megjithëse pranon se duhet të ristrukturohen përgjegjësitë që lidhen me “drejtorët e Juventusit pa kompetenca”. Kjo do të thotë se dënimi i skuadrës italiane dhe drejtuesve të saj mund të jetë më pak i rëndë se sa ishte vendosur më parë, megjithëse parashikohet që të ketë një dënim të ri. 

Tani do të duhet të presim edhe tridhjetë ditë për dënimin e ri të Gjykatës Federale të Apelit. B.T (Dosja.al)

Sondazh

Poll

MË SHUMË