Aktualitet

"Ikni ose do merrni plumbin"/ Policia pas denoncimit të FRPD në Durrës: E pavërtetë, askush s'i kërcënoi, s'bënë as kallëzim

F. T., 25 vjeç dhe A. M., 31 vjeç, banues në Sukth, janë shoqëruar në polici dhe janë marrë në pyetje ku kanë deklaruar se nuk kanë kërcënuar askënd. Të rinjtë janë shprehur se u kanë kërkuar demokratëve që të mos futnin postera dhe fletushka poshtë banesave të tyre apo t’i hidhnin ato në rrugë. Bazuar në këtë deklaratë, policia thotë se demokratët kanë gënjyer kur janë shprehur se janë kërcënuar.

6 Maj 2023, 21:42 Nga F.M
"Ikni ose do merrni plumbin"/ Policia pas denoncimit të FRPD
Policia e Durrësit

DURRËS- Drejtoria Vendore e Policisë së Durrësit ka deklaruar se ka dalë në përfundimin se demokratët nuk kanë deklaruar të vërtetën kur janë shprehur publikisht se janë kërcënuar nga bandat e Durrësit. Në një deklaratë zyrtare, Drejtoria e Policisë së Durrësit bëri me dije se nuk ka pasur një kallëzim zyrtar as nga kandidati Igli Cara dhe as nga përfaqësuesit e FRPD-së. Por, pavarësisht mungesës së një kallëzimi, Policia e Durrësit shton se ka nisur hetimet bashkë me Prokurorinë dhe ka arritur në përfundimin se demokratët kanë debatuar me dy persona që po kalonin me makinë në Sukth. F. T., 25 vjeç dhe A. M., 31 vjeç, banues në Sukth, janë shoqëruar në polici dhe janë marrë në pyetje ku kanë deklaruar se nuk kanë kërcënuar askënd. Të rinjtë janë shprehur se u kanë kërkuar demokratëve që të mos futnin postera dhe fletushka poshtë banesave të tyre apo t’i hidhnin ato në rrugë. Bazuar në këtë deklaratë, policia thotë se demokratët kanë gënjyer kur janë shprehur se janë kërcënuar.

Reagim i Drejtorisë Vendore të Policisë Durrës:

Në lidhje me deklaratën e bërë në media, nga kryetari i degës së FRPD në Durrës, sqarojmë opinonin publik se: Më datë 06.05.2023, rreth orës 14:00, kandidati për kryetar bashkie i koalicionit “Bashkë Fitojmë”, ka njoftuar me telefon se rreth orës 13:00, në një lagje në Sukth, Durrës, një grup prej 6-7 personash kishin qenë në këtë lagje, me një automjet me logo të koalicionit “Bashkë Fitojmë” dhe sipas tyre, dy shtetas që drejtonin dy automjete, i kishin kërcënuar me fjalë që të largoheshin nga lagjja.

Në këto kushte është ftuar për të bërë kallëzim, kandidati për kryetar bashkie i koalicionit “Bashkë Fitojmë”, por deri në këto momente nuk është paraqitur as ai dhe asnjë shtetas tjetër, për të bërë kallëzim në lidhje me pretendimin e ngritur gjatë telefonatës.

Specialistët për Hetimin e Krimeve në Komisariatin e Policisë Durrës, menjëherë pas marrjes së telefonatës, kanë vënë në dijeni prokurorin e gatshëm në Prokurorinë e Durrësit dhe më pas shërbimet e Komisariatit të Policisë Durrës kanë shkuar në adresën e dhënë.

Pas informacioneve të marra, është bërë identifikimi dhe shoqërimi në Komisariatin e Policisë Durrës, i dy personave, konkretisht shtetasve F. T., 25 vjeç dhe A. M., 31 vjeç, banues në Sukth, të cilët kanë deklaruar se nuk kanë kërcënuar njeri, por kanë debatuar me personat që të mos futnin postera dhe fletushka poshtë banesave të tyre apo t’i hidhnin ato në rrugë.

Në përfundim të veprimeve, materialet procedurale në ngarkim të dy shtetasve të mësipërm, do t’i dërgohen Prokurorisë, për vlerësim.

Drejtoria Vendore e Policisë Durrës sqaron opinonin publik se deklarata e bërë sot nga kryetari i FRPD dega Durrës, i cili foli për banda kriminale që iu bëjnë presion qytetarëve të Durrësit, për të tjetërsuar vullentin e tyre politik, është tërësisht e pavërtetë.

Drejtoria Vendore e Policisë Durrës siguron qytetarët dhe të gjitha subjektet politike, se ka marrë të gjitha masat për garantimin e rendit e të sigurisë, me qëllim mbarëvajtjen sa më të sigurtë të fushatës zgjedhore dhe se deri tani, në qarkun e Durrësit, nuk ka asnjë rast të cenimit të këtij procesi.

Në funksion të mbarëvajtjes sa më të qetë e të sigurtë të të gjithë procesit, Drejtoria Vendore e Policisë Durrës apelon për qetësi dhe vetëpërmbajtje, duke mos përhapur panik me deklarata të pabazuara në fakte dhe fton cilindo që ndeshet me çfarëdolloj paligjshmërie, që të denoncojë në numrin pa pagesë 112, duke iu siguruar reagim të menjëhershëm dhe profesional.

igli cara policia e durresit

Sondazh

Poll

Aktualitet 6 Maj 2023, 20:06

Zëri i të rinjve

Takimi Krizën më të madhe shëndetësore, socio-ekonomike në të gjithë botën e ka shënuar pandemia globale ...

MË SHUMË