Bota

Diplomatja kineze: Zgjerimi i NATO-s në Azi minon paqen dhe stabilitetin rajonal

Diplomatja theksoi se Azia nuk duhet të bëhet një arenë e rivalitetit gjeopolitik. Poashtu, Mao Ning shtoi se përparimi i NATO-s në Azi do të lehtësojë konfrontimin e bllokut.

4 Maj 2023, 16:45 Nga a.l
Diplomatja kineze: Zgjerimi i NATO-s në Azi minon paqen dhe stabilitetin
Mao Ning

KINË- Zëdhënësja e Ministrisë së Jashtme kineze, Mao Ning në një konferencë të mbajtur sot për mediat ka deklaruar se, përparimi i NATO-s në rajonin Azi-Paqësor do të përkeqësojë stabilitetin e vendit. 

“Zgjerimi i vazhdueshëm i NATO-s drejt lindjes në rajonin Azi-Paqësor dhe ndërhyrja e aleancës në çështjet rajonale do të dëmtojnë në mënyrë të pashmangshme paqen dhe stabilitetin”, tha ajo.

Diplomatja theksoi se Azia nuk duhet të bëhet një arenë e rivalitetit gjeopolitik. Poashtu, Mao Ning shtoi se përparimi i NATO-s në Azi do të lehtësojë konfrontimin e bllokut, shkruan TASS. 

"Kjo duhet të shqetësojë veçanërisht vendet e rajonit," vuri në dukje ajo.

Më 3 maj, Nikkei raportoi se NATO po planifikonte të hapte zyrën e saj ndërlidhëse në Japoni vitin e ardhshëm. Sipas gazetës, stacioni do të lejojë aleancën ushtarake të kryejë konsultime periodike me Japoninë dhe partnerët kryesorë në rajon si Koreja e Jugut, Australia dhe Zelanda e Re. Vendimi zyrtar duhet të merret përpara Samitit të NATO-s në Vilnius më 11-12 korrik, thotë Nikkei. 

mao ning

Sondazh

Poll

MË SHUMË