Sport

“Nuk mund të krahasosh asnjë lojtar me Leo Messin!”, trajneri Pep Guardiola “tradhëton” sulmuesin e tij Erlind Haaland…

Trajneri Pep Guardiola nuk hezitoi dhe pranoi, se Lionel Messi është shumë më i mirë se sulmuesi i tij te Manchester City, norvegjezi Erling Haaland.

3 Maj 2023, 21:02 Nga DOSJA

“Nuk mund të krahasosh asnjë lojtar me Leo Messin!”,

ANGLI - Gjatë kohës së tij te Barcelona, Pep Guardiola pati shansin ta drejtonte Lionel Messin për katër vjet. Së fundmi, trajnerit aktual të Manchester Cityt, iu kërkua të zgjedhë mes superyllit argjentinas dhe sulmuesit të tij nga kampi anglez, norvegjezi Erling Haaland. 

Spanjoli tha se shpreson që norvegjezi të arrijë nivelin e kampionit të botës, dhe kjo për shkak se ai e konsideron atë lojtarin më të kompletuar në botë.

“Messi apo Haaland? Nuk mund të krahasosh asnjë lojtar me Messin. Leo është lojtari më i kompletuar që kam parë ndonjëherë. Vizioni, pasimet, konkurrenca, shumë gjëra... Shpresoj që Haaland të afrohet më shumë me Leon, do të ishte mirë për ne”,- tha Guardiola.

“Nuk mund të krahasosh asnjë lojtar me Leo Messin!”,

Ish-lojtari i Borussia Dortmundit është golashënuesi më i mirë në Premier League ashtu edhe në Champions League. Sulmuesi i “Qytetarëve” ka arritur kuotën e 50 golave ​​të shënuar për skuadrën e drejtuar nga Guardiola.

Skuadra e “Etihad Stadium” po lufton me Arsenalin për titullin kampion të Anglisë dhe do të luajë në gjysmëfinale të kompeticionit më të rëndësishëm të Champions League. Grupi nga Mançesteri do të duelojë me Real Madridin, bartësin e trofeut dhe skuadrën që ka fituar më së shumti trofe të këtij lloji, 14 në numër.

Megjithatë, Pep Guardiola pranoi se Erling Haaland ka një cilësi, që Lionel Messi nuk e ka. Trajneri i Mançester Sitit tha se norvegjezi ka një avantazh të madh dhe kjo sepse ai gjithmonë futet në fushë me buzëqeshje në fytyrë.

“Nuk mund të krahasosh asnjë lojtar me Leo Messin!”,

“Haaland është gjithmonë i lumtur, gjithmonë i buzëqeshur. Leo Messi shënonte dy gola, por kur nuk arrinte të shënonte të tretin, u mërzitej pak.

Në vend të kësaj, Erling është gjithmonë në një humor të jashtëzakonshëm. Edhe në momentet e vështira në fillim të sezonit, kur njerëzit thoshin se nuk do të përshtatej, ai erdhi në stërvitje me një buzëqeshje të madhe në fytyrë dhe përshëndeti të gjithë. Ai pati një ndikim të jashtëzakonshëm në ekipin tonë dhe jo vetëm në fushë”, ka thënë trajneri Guardiola.

B.T (Dosja.al)

Sondazh

Poll

MË SHUMË