Bota

Takimi në Bruksel/ Deputetja e Vuçiçit: Prezantova statutin e Asociacionit, Kurti e Bislimi hidhnin fjalë dhe shanin

Ajo tha se së bashku me kolegun e saj Beloviç, në atë takim kanë përjetuar një shqetësim të madh.

2 Maj 2023, 21:16 Nga a.l
Takimi në Bruksel/ Deputetja e Vuçiçit: Prezantova statutin e
Danijela Vujicic

BRUKSEL- Danijela Vujiçiç, koordinatore e Ekipit Menaxhues për hartimin e Statutit të Asociacionit të Komunave me shumicë Serbe, tha se ekipi kishte vetëm 30 minuta, siç e parashihte Bashkimi Evropian, për të paraqitur draftin, por kryeministri i Kosovës, Albin Kurti dhe zv.kryeministri Besnik Bislimi po e shanin dhe ishin të pasjellshëm, shkruajnë mediumet serbe.

“Pas pesë vitesh patëm mundësinë të prezantojmë draftin e Statutit të ZSO-së. Përveç fjalës hyrëse që mbajta, kishim vetëm 30 minuta siç e kishte parashikuar BE-ja. Ishte e pamundur të prezantoheshin 67 nene dhe nëntë kapituj në 30 minuta, por përmes prezantimit arrita ta them këtë, tani është punë e madhe që delegacioni ta lexojë artikull për nen dhe palët të bëjnë vërejtje të caktuara”, shpjegoi ajo në një deklaratë për gazetarët në Bruksel pasi ekipi prezantoi draftin.

Ajo tha se së bashku me kolegun e saj Beloviç, në atë takim kanë përjetuar një shqetësim të madh.

“Po të mos ishte Aleksandër Vuçiç, do të kishte ndodhur kaos. Kurti dhe Bislimi gjatë gjithë kohës kanë sharë, duke u drejtuar atyre në mënyrë tallëse dhe të vrazhdë, me përbuzje dhe nënçmim. Presidenti Vuçiq ka reaguar ashpër ndaj kësaj”, ka shtuar Vujiçiç.

Ajo ka raportuar se me të hyrë në sallë, presidenti i Serbisë i ka përshëndetur me “ku jeni serbët e mia nga Kosova dhe Metohia”, pas së cilës “kaos”, sepse Kurti dhe Bislimi kanë pyetur pse po përdor termin Kosovë dhe Metohija, pasi Kosova nuk është pjesë e Serbisë.

Ajo po ashtu ka thënë se ndaj Ekipit Menaxhues është bërë presion i madh në dy javët e fundit në media e Kosovës. Ndërsa theksoi se nëse presidenti Vuçiç nuk do të hidhej në argumentin për t’i mbrojtur ato si gra mbi të gjitha, nuk do të kishte pasur mundësi që ato të paraqesin punën e madhe që kanë investuar në draftin e Statutit.

Ajo ka sqaruar se Statuti është punuar katër muaj, nga prilli 2018 deri në gusht 2018 dhe më pas janë konsultuar kryetarët e të gjitha komunave, kryetarët e kuvendeve, publiku akademik, ekspertë nga fusha e ekonomisë, shëndetësisë dhe mbrojtjes sociale. 

danijela vujicic

Sondazh

Poll

MË SHUMË