Politike

"Të shkretët janë në pozicion të keq, të japin viza si Gjermania"/ Deklaratat e Ramës në Greqi 'jehojnë' në mediat britanike

Media britanike shton dhe faktin që kreu i qeverisë, Edi Rama ka kërkuar se Anglia të vendosë sistemin e vizave për emigrantët, njësoj si Gjermania.

30 Prill 2023, 20:08 Nga F.M
"Të shkretët janë në pozicion të keq, të
Edi Rama

BRITANI E MADHE- Deklaratat që kryeministri Edi Rama ka bërë në Forumin e Delfit në Greqi kanë bërë ‘jehonë’ në Britaninë e Madhe. The Indipendent shkruan se Rama e ka konsideruar Britaninë e Madhe si një vend në ‘pozicion të keq’ dhe për të treguar ‘muskuj’ vrapon pas shqiptarëve. Media britanike shton dhe faktin që kreu i qeverisë, Edi Rama ka kërkuar se Anglia të vendosë sistemin e vizave për emigrantët, njësoj si Gjermania.

Artikulli:

Kryeministri i Shqipërisë ka thënë se Britania është në një "pozicion të keq" për krizën e emigracionit në Kanal, saqë ministrat e qeverisë po përdorin fajin ndaj vendit të tij që të ndihen sikur kanë ende fuqi.  Edi Rama tha në forumin ekonomik Delphi në Greqi se ai mendon se Britania është duke pësuar një "çarje nervore" për emigracionin.

“Ata janë në një pozicion kaq të keq, të shkretët britanikët, saqë duhet të ndjekin shqiptarët që të ndihen sikur kanë ende muskuj”, tha Rama.

“Nuk ka problem. Ne kemi një respekt të madh për Britaninë dhe për atë që përfaqëson Britania dhe për historinë dhe kulturën britanike, kështu që ne do të kemi durim me ta derisa ta kapërcejnë këtë situatë.

“Ne mendonim: 'Uau, britanikët po flasin keq për ne'. Edhe çfarë? Nuk është problemi ynë. Është problemi i tyre.”

Rama shtoi: Ne kemi luftuar kundër retorikës së përdorur dhe tani shohim se ata janë qetësuar pak. Por ata po kalojnë një krizë nervore si vend, kështu që ne duhet t'i kuptojmë ata. Nuk është diçka që ne nuk mund ta kuptojmë, ne duhet t'i kuptojmë ato. Ata kanë humbur shumë pika referimi dhe janë vërtet në një pozicion të keq, të keq.”

Mbretëria e Bashkuar përballet me një grumbull prej 140 mijë dosje emigrantësh që kanë ngecur në sistemin e azilit, të cilin ministrat e kanë pranuar se është "i prishur".

Muajin e kaluar, Rama kritikoi mënyrën "e turpshme" se si Suella Braverman kishte veçuar së fundmi emigrantët nga vendi i tij, pasi sekretarja e brendshme iu referua shqiptarëve si "kriminelë" gjatë fjalimit në parlament. Ministrja e kabinetit tha gjithashtu se shqiptarët nuk duhet të kërkojnë azil në Britaninë e Madhe, sepse ata vijnë nga një “vend i sigurt”. Më herët këtë javë, Braverman tha se emigrantët që kalojnë Kanalin Anglez me gomone kanë vlera "në kundërshtim" me normat britanike dhe janë të lidhur me "nivele të rritura të kriminalitetit".

“Unë mendoj se njerëzit që vijnë këtu ilegalisht posedojnë vlera, të cilat janë në kundërshtim me vendin tonë,” tha ajo. “Ne po shohim nivele të rritura të kriminalitetit kur lidhen me njerëzit që kanë ardhur me gomone, lidhur me tregtimin e drogës, shfrytëzimin, prostitucionin.

“Ka sfida reale, të cilat shkojnë përtej çështjes së migrimit të njerëzve që vijnë këtu ilegalisht. Ne duhet të sigurohemi që t'i japim fund kalimeve me gomone.”

Projekt-ligji i emigracionit të paligjshëm do të ndryshojë menaxhimin e emigrantë. Sipas projektligjit, tw gjithë ata që mbërrijnë në MB ilegalisht do të ndalohen dhe më pas do të largohen menjëherë, ose në vendin e tyre ose në një vend të tretë si Ruanda.

Projektligji u sulmua nga kritikët, duke përfshirë konservatorin e lartë, Sir Bob Neill, i cili tha se dështimet e Home Office janë fajtore për krizën e gomoneve.

I pyetur në GB News nëse reformat në projektligj do të funksionojnë, Sir Bob tha: Nuk jam i bindur se do të funksionojnë. Një theks i madh i është vënë ndryshimit të ligjit dhe zgjidhjeve legjislative. Nuk mendoj se qëndron këtu çështja.

“Problemi i vërtetë është se sistemi nuk funksionon mjaftueshëm me efikasitet. Dështimet administrative të Home Office janë fajtore. Zyra e Brendshme nuk është efikase.

Në forumin ekonomik Delphi, Rama tha se dëshiron që Britania të miratojë një sistem si ai në Gjermani, i cili do të lejojë viza për shqiptarët që mbërrijnë për punë të caktuara. Qeveria e Mbretërisë së Bashkuar nuk ka në plan të ndryshojë pozicionin e saj, e cila aktualisht sheh një sistem të bazuar në pikë për emigracionin.

edi rama

Sondazh

Poll

MË SHUMË