Art&Argëtim

Nga kërkimi i një shtëpie tek kushti i Shakirës, Pique përballet me probleme gjatë vizitës së tij të parë në Miami

Pique ka hasur disa probleme në udhëtimin e tij të parë në Shtetet e Bashkuara për të kaluar kohë me fëmijët e tij. Ai ka udhëtuar i vetëm, pa shoqërinë e të dashurës së tij të re Clara Chia-s, veprim ky i cili pretendohet të jetë një kusht që u vendos nga këngëtarja në udhëtimin e tij të parë për të kaluar kohë me djemtë e tij.

30 Prill 2023, 16:10 Nga f.i
Nga kërkimi i një shtëpie tek kushti i Shakirës, Pique
Gerard Pique dhe Shakira

SHBA- Ish-futbollisti Gerard Pique ndodhet tashmë në Miami në vizitën e tij të parë për të kaluar kohë me djemtë e tij Sasha dhe Milan, të cilët prej fillimit të muajit jetojnë me nënën e tyre, Shakira. Si duket gjatë udhëtimit të tij, i cili ësht pjesë e marrëveshjes së arritur me Shakirën pas ndarjes së tyre gjërat nuk duken aq të lehta për Pique, shkruajnë mediat e huaja.

Pique ka hasur disa probleme në udhëtimin e tij të parë në Shtetet e Bashkuara për të kaluar kohë me fëmijët e tij. Ai ka udhëtuar i vetëm, pa shoqërinë e të dashurës së tij të re Clara Chia-s, veprim ky i cili pretendohet të jetë një kusht që u vendos nga këngëtarja në udhëtimin e tij të parë për të kaluar kohë me djemtë e tij.

Një problem tjetër është kohëzgjtja e tij në Miami, ku ish-futbollisti do të mund të qëndrojë vetëm pesë ditë nga dhjetë ditë që i takojnë të kalojë me fëmijët. Pique tashmë i ka kaluar ditët e para të prillit në shoqërinë e fëmijëve të tyre, qoftë edhe në Barcelonë. Një tjetër pengesë për Pique është se në këtë vizitë të parë në Miami ai nuk ka një shtëpi ku mund të marrë fëmijët e tij, por duhet të qëndrojë në një hotel pranë shkollës ku shkojnë fëmijët e tij.

Megjithatë, sipas burimeve Pique synon të kërkojë një shtëpi në Miami për të qëndruar gjatë vizitave të tij në Sasha dhe Milan.

shakira gerard pique

Sondazh

Poll

MË SHUMË