Aktualitet

EMRI- Vodhi një makinë luksoze në Llaman, dhe tentoi t’i ikë Policisë, arrestohet pas ndjekjes 40-vjeçari

40-vjeçari u arrestua pasi i vodhi mjetin tip “Suzuki”, në pronësi të shtetasit L. V., në vendin e quajtur “Llaman” dhe më pasështë larguar me shpejtësi, në aksin rrugor “Himarë-Sarandë”.

29 Prill 2023, 10:25 Nga k.m.
EMRI- Vodhi një makinë luksoze në Llaman, dhe tentoi t’i
Mjeti i vjedhur

VLORË- Florian Mehmeti është vendosur në pranga nga policia e Vlorës, pasi vodhi një makinë dhe më pas tentoi që t'u ikte 'bluve' të qytetit. 40-vjeçari u arrestua pasi i vodhi mjetin tip “Suzuki”, në pronësi të shtetasit L. V., në vendin e quajtur “Llaman” dhe më pasështë larguar me shpejtësi, në aksin rrugor “Himarë-Sarandë”. Me të marrë njoftimin lidhur me ngjarjen, shërbimet e Policisë janë vënë menjëherë në ndjekje të 40-vjeçarit, duke e vendosur në pranga.

NJOFTIMI I PLOTË:

Finalizohet nga Komisariati i Policisë Himarë dhe shërbimet e DVKM Vlorë, operacioni policor i koduar “Sëift”. Vodhi automjetin e një shtetasi dhe u largua me shpejtësi, kapet pas disa minutash ndjekjeje nga Policia, 40-vjeçari me precedent kriminal në fushën e vjedhjeve. Sekuestrohen 2 automjete. Si rezultat i reagimit të menjëhershëm të shërbimeve të Komisariatit të Policisë Himarë, në bashkëpunim me shërbimet e DVKM Vlorë, për vjedhjen e një automjeti tip “Suzuki”, në Llaman, Himarë, u organizua dhe u finalizua operacioni policor i koduar “Sëift”. Në kuadër të këtij operacioni, u kap dhe u arrestua pas disa minutash ndjekjeje nga shërbimet e Policisë, shtetasi F. M., 40 vjeç, banues në Tiranë, i cili nga verifikimet rezulton shtetas me precedent të mëparshëm kriminal në fushën e vjedhjeve. 40-vjeçari, pasi ka vjedhur automjetin tip “Suzuki”, në pronësi të shtetasit L. V., në vendin e quajtur “Llaman”, është larguar me shpejtësi, në aksin rrugor “Himarë-Sarandë”. Shërbimet e Policisë janë vënë menjëherë në ndjekje të këtij shtetasi, dhe pas disa minutash, kanë bërë të mundur kapjen e tij. Automjeti i vjedhur, së bashku me një automjet tjetër, që dyshohet se përdori 40-vjeçari për t’iu afruar vendit ku kreu vjedhjen, u sekuestruan në cilësinë e provës materiale. Vijon puna për zbardhjen e vjedhjeve të tjera që mund të jenë kryer nga ky shtetas. Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.

florian mehmeti vlore

Sondazh

Poll

MË SHUMË