Aktualitet

Vrasja e 22-vjeçares keniane/ Policia kontrolle në disa banesa, shoqërohen 6 persona, mes tyre shoferi i kazinosë

Nga të shoqëruarit, është marrë edhe shoferi i kazinosë, Rodi Braçi, por gjithashtu në pyetje marrë dhe i vëllai.

29 Prill 2023, 08:50 Nga k.m.
Vrasja e 22-vjeçares keniane/ Policia kontrolle në disa banesa,
Joy Ayoko

TIRANË- Kur kanë kaluar disa muaj nga vdekja e shtetases keniane, Joy Ayoko, Policia e Shtetit ka nisur një aksion sot në Tiranë. 4 banesa janë kontrolluar dhe 6 persona janë shoqëruar në Komisariat për të dëshmuar edhe njëherë lidhur me vdekjen e 22-vjeçares. Nga të shoqëruarit, është marrë edhe shoferi i kazinosë, Rodi Braçi, por gjithashtu në pyetje marrë dhe i vëllai. Kjo pasi nga zbërthimi i telefonit të të resë, u zbulua se personi i fundit që ka komunikuar me të ishte shoferi i kazinosë ku ajo punonte.

Joy Ayoko u gjet e rrëzuar nga kati i tretë i banesës ku jetonte me qira, pranë vilave gjermane në gusht të vitit 2022. Ajo shtrua në spitalin e Traumës më datë 14 gusht 2022. 22-vjeçarja i mbijetoi fillimisht plagëve të marra, por një dëmtim në tru e la në gjendje vegjetative. Pas disa muajsh, ajo u kthye në Kenia bashkë me të ëmën, ku edhe ndërroi jetë. Ndërkohë, Policia e Shtetit nuk ka vendosur në pranga asnjë person për sulmin makabër ndaj të resë.

joy ayoko

Sondazh

Poll