Bota

'Duhet të ketë turp'/ Eurodeputetja, Cramon i përgjigjet Brnabiç: Nuk ka nevojë për koment! Duket që sillet në mënyrë të pacivilizuar

Cramon vlerësoi se zgjedhjet e fundjavës së kaluar ishin një hap prapa dhe larg marrëveshjes. 

26 Prill 2023, 21:00 Nga a.l
'Duhet të ketë turp'/ Eurodeputetja, Cramon i
Ana Brnabiç dhe Viola Von Cramon

SERBI- Eurodeputetja dhe raportuesja për Kosovën në Parlamentin Evropian, Viola von Cramon, i është kundërpërgjigjur kryeministres serbe Ana Brnabiç, pasi Cramon tha se bojkotimi i zgjedhjeve në veri të Kosovës është në kundërshtim me standardet demokratike, ndërsa Brnabiç e quajti 'turp' deklaratën e saj. Cramon, u shpreh se nëse kryeministrja flet në mënyrë të pacivilizuar, nuk të krijohet përshtypja se ajo është dikush që ka interes bashkëpunimi me përfaqësues të Parlamentit Evropian dhe se kjo mund të jetë shenjë se Serbia nuk është e interesuar për perspektivën evropiane.

“Komunikimi i Anna Bërnabiçit në Twitter flet vetë, nuk kam nevojë ta komentoj. Nëse kryeministrja flet me një retorikë të tillë, me sulme të tilla, sillet në mënyrë të pacivilizuar ndaj deputetëve të Parlamentit Evropian – kjo flet shumë, por nuk të krijohet përshtypja se është dikush interesi i të cilit është bashkëpunimi me neve në PE. Nuk mund ta kuptoj se çfarë lloj strategjie madhështore fshihet pas saj – a ka vullnet në Serbi për të vazhduar integrimin, për të parë perspektivën evropiane, apo është qëllimi për t’u përplasur dhe për të qenë arrogantë”, deklaroi Von Cramon. 

Cramon tha sot se si Serbisë ashtu edhe Kosovës po i kërkohet të bëjnë ndryshime në planin e brendshëm, para se hapave drejt integrimit në BE, shkruan media serbe Danas. Siç tha ajo, raporti i Parlamentit Evropian për Serbinë dhe Kosovën dërgon një mesazh të fortë për rajonin.

“Për fillim [Raporti] flet për angazhimin e Parlamentit Evropian për zgjerim, por përmes monitorimit të procesit, që për të dyja vendet do të thotë se ne po kërkojmë ndryshime në planin e brendshëm, përpara se të shohim hapat e ardhshëm drejt integrimit në BE. Pritjet e mia ishin më të mëdha, shpresoja shumë që si rezultat i marrëveshjes këtu në Bruksel, e më pas në Ohër, do të kishte një moment kyç në aspektin e zbatimit të Marrëveshjes së Brukselit”, u shpreh Von Cramon.

Cramon vlerësoi se zgjedhjet e fundjavës së kaluar ishin një hap prapa dhe larg marrëveshjes. 

ana brnabiç

Sondazh

Poll

MË SHUMË