Bota

Krasniqi e Rizvanolli debatojnë për çmimin e rrymës: Po gënjeni, Tarifa është rritur me 300%

Rizvanolli tha se është e paimagjinueshme se sa herë mund të gënjej njeriu për të njëjtën gjë pasi përgënjeshtrohet 100 herë.

26 Prill 2023, 13:10 Nga I.A
Krasniqi e Rizvanolli debatojnë për çmimin e rrymës: Po
Artane Rizvanolli dhe Memli Krasniqi

KOSOVË- Kryetari i PDK-së, Memli Krasniqi, i ka reaguar ministres së Ekonomisë, Artane Rizvanolli, që tha se se është gënjeshtër që çmimi i rrymës është shtrenjtuar. Krasniqi tha se çmimi i tarifës së shtrenjtë është rritur nga 7 në 21 centë.

“Rritja e çmimit të energjisë mbi 100 për qind. Prej 7 centë në 21 centë e ke bo tarifën e shtrenjtë, dil mohoje. Prej 7 në 21 centë e ke bo tarifën e shtrenjtë, është 300 për qind. Marre duhet me iu ardhë e gënjeni para njerëzve”, tha Krasniqi.

Rizvanolli tha se është e paimagjinueshme se sa herë mund të gënjej njeriu për të njëjtën gjë pasi përgënjeshtrohet 100 herë.

“Është e paimagjinueshme se sa herë mund të gënjej njeriu për të njëjtën gjë pasi demantohet 100 herë dhe pasi qytetarët i marrin faturat një vit me radhë”, tha ajo.

memli krasniqi artane rizvanolli kuvendi i kosoves

Sondazh

Poll

MË SHUMË