Bota

Pse e shërbeu Kurtin me raki në Ramazan? Haradinaj: Ai ka pasur opsion edhe ujin, por atë zgjodhi, e kemi traditë

Haradinaj ka thënë se tradita në Dukagjin është që musafirët të priten me një gotë raki.

26 Prill 2023, 11:46 Nga I.A
Pse e shërbeu Kurtin me raki në Ramazan? Haradinaj: Ai ka pasur opsion
Kurti dhe Haradinaj

KOSOVË- Një fotografi e kryeministrit të Kosovës Albin Kurti me kryetarin e AAK-së, Ramush Haradinaj duke cakërruar gotat e rakisë në Epopenë e Dukagjinit gjatë muajit të Ramazanit, zgjoi shumë vëmendje dhe nxiti shumë kritika. Në emisionin Pressing të T7, Haradinaj ka thënë se tradita në Dukagjin është që musafirët të priten me një gotë raki.

“Ne nuk kemi pasur media aty. Kryeministri ka ardhur me media. Ne as fotografi nuk i bëjmë dikut. E keni parë ju, shumë pak fotografi dalin prej Gllogjanit, se i respektojmë ata që vijnë, por kryeministri erdhi me media… e tradita në Dukagjin populli e di si është. Te ne para se me ta bo një… ka edhe që s’e pinë rakinë, se janë më fetar, por shumica e familjeve në Dukagjin, për mikpritje e ke një ujë rakie e atëherë një kafe ose shtrohet sofra…”, tha ai.

Megjithatë, Haradinaj ka thënë se Kurti e ka pasur opsion ujin dhe ka mundur ta refuzojë rakinë.

“Ai ka pasur opsion, ka pasur edhe ujë. Ne në përvjetor, në Epopenë e Dukagjinit, nuk kemi parti. Unë atëherë nuk kam pasur identitet partiak, kam qenë UÇK. Në ata përvjetorë, ne respektojmë këndo që vjen dhe është i mirëseardhur çdo kush, çdo person. Ne e mirëpresim kryeministrin në Epopenë e Gllogjanit”, tha Haradinaj.

albin kurti ramush haradinaj

Sondazh

Poll

MË SHUMË