Bota

Prapaskenat/ Tucker Carlson dhe producenti i tij shkarkohen nga Fox News, cila ishin mesazhet që 'pezulluan' prezantuesin

Rrjeti nuk dha një arsye për largimin e Carlson. Përveç kësaj dhe producenti i lartë ekzekutiv i Tucker Carlson Tonight, Justin Wells, u shkarkua të hënën.

26 Prill 2023, 09:33 Nga I.A
Prapaskenat/ Tucker Carlson dhe producenti i tij shkarkohen nga Fox News, cila
Tucker Carlson

SHBA- Prezantuesi televiziv Tucker Carlson dhe Fox News kanë ranë dakord që rrugët e tyre të ndahen.

"Ne e falënderojmë atë për shërbimin e tij ndaj rrjetit," tha Fox në deklaratën për prezantuesin më të vlerësuar, i cili vuri në dukje se shfaqja e fundit e Carlson ishte të premten.

Rrjeti nuk dha një arsye për largimin e Carlson. Përveç kësaj dhe producenti i lartë ekzekutiv i Tucker Carlson Tonight, Justin Wells, u shkarkua të hënën. Vendimi për të ndërprerë Carlson dhe producentin e tij u mor mbrëmjen e së premtes së kaluar nga CEO i Fox Corporation Lachlan Murdoch dhe CEO i Fox News Suzanne Scott.

Lajmi vjen gati një javë pas një marrëveshjeje prej 787.5 milionë dollarësh ndërmjet rrjetit dhe Dominion Voting Systems, e cila kishte akuzuar Fox-in se po shtynte me vetëdije teori false konspirative se kompania e makinës së votimit manipuloi zgjedhjet presidenciale të vitit 2020 në favor të Joe Biden. Fox mbrojti mbulimin e saj, duke e hedhur poshtë padinë si një kryqëzatë politike në kërkim të një përfitimi financiar. Një zëdhënës i Dominion nuk pranoi të komentonte largimin e Carlson kur u kontaktua nga ABC News.

Si pjesë e procesit të tij të zbulimit, Dominion në shkurt paraqiti dokumente gjyqësore që përmbanin email, tekste, dëshmi dhe komunikime të tjera private nga personeli i Fox News, duke përfshirë Carlson, në të cilat ata dukej se hidhnin dyshime mbi pretendimet e zgjedhjeve, ndryshe nga çfarë thanë për shikuesit e tyre.

Më 8 nëntor, Carlson i dërgoi mesazh privat producentit të tij se pretendimet për Dominion ishin absurde. Gjithashtu atë ditë, producenti i Carlson-it i dërgoi mesazh atij për dyshimet e tij.

"Unë nuk mendoj se ka prova për mashtrimin e votuesve që sollën zgjedhjet," i dërgoi një mesazh Carlson producenti Alex Pfeiffer.

Në shfaqjen e tij vetëm një natë më vonë, Carlson bëri deklaratat për mashtrim, megjithëse ai tha se nuk dinë asgjë të sigurtë. 

"Ne nuk e dimë se sa vota u vodhën të martën mbrëma. Ne nuk dimë asgjë rreth softuerit që shumë thonë se ishte i manipuluar. Ne nuk e dimë. Duhet ta zbulojmë. Por këtu është ajo që ne dimë. Në një nivel më të gjerë, në nivelet më të larta, në fakt, sistemi ynë nuk është ai që menduam se ishte. Nuk është aq i drejtë sa duhet. As afër," tha ai.

tucker carlson justin wells

Sondazh

Poll

MË SHUMË