Bota

'Ide e idiotëve'/ Medvedev kërcënon: Moska do të anulojë marrëveshjen e grurit nëse G7 ndalon eksportet

Rusia ka kërcënuar vazhdimisht se do të tërhiqet nga marrëveshja e grurit.

23 Prill 2023, 15:45 Nga k.m.
'Ide e idiotëve'/ Medvedev kërcënon: Moska do të
Dmitry Medvedev

MOSKË- Ish-presidenti rus Dmitry Medvedev tha sot se nëse Grupi i Shtatë (G7) ndalon eksportet në Rusi, Moska do të përgjigjet duke hequr dorë nga marrëveshja, e cila lejon eksportet jetike të grurit nga Ukraina.

“Kjo ide e idiotëve të G7-ës për një ndalim të plotë të eksporteve në vendin tonë është e mirë sepse nënkupton një ndalim përkatës të importeve nga vendi ynë, duke përfshirë kategoritë e mallrave që janë më të ndjeshmet për G7-ën,”- tha Medvedev në postimin në kanalin e tij në Telegram.

Grupi i 7 vendeve të industrializuara po shqyrton një ndalim pothuajse të plotë të eksporteve në Rusi, njoftoi agjencia japoneze e lajmeve Kyodo javën e kaluar, duke cituar burime të qeverisë japoneze. Rusia ka kërcënuar vazhdimisht se do të tërhiqet nga marrëveshja e grurit.

"Në një rast të tillë, marrëveshja e grurit - dhe shumë gjëra të tjera që u nevojiten - do të përfundojë,"-shtoi ai.

dmitry medvedev

Sondazh

Poll