Bota

Rusia dëbon 20 diplomatë gjermanë/ Zakharova: Berlini po shkatërron grupin e marrëdhënieve ruso-gjermane

Lajmin e ka bërë të ditur zëdhënësja e ministrisë së Jashtme, Maria Zakharova e cila thekson se Berlini po shkatërron grupin e marrëdhënieve ruso-gjermane. 

23 Prill 2023, 14:46 Nga a.l
Rusia dëbon 20 diplomatë gjermanë/ Zakharova: Berlini po
Maria Zakharova

RUSI-  Qeveria ruse po dëbon disa diplomatë gjermanë nga vendi. Lajmin e ka bërë të ditur zëdhënësja e ministrisë së Jashtme, Maria Zakharova e cila thekson se Berlini po shkatërron grupin e marrëdhënieve ruso-gjermane. 

“Autoritetet gjermane kanë vendosur për një tjetër dëbim masiv të punonjësve të misioneve diplomatike ruse në Gjermani. Ne i dënojmë fuqishëm këto veprime të Berlinit, i cili vazhdon të shkatërrojë në mënyrë sfiduese të gjithë grupin e marrëdhënieve ruso-gjermane”, tha ministria në një deklaratë , duke argumentuar se veprimet e Gjermanisë ishin “armiqësore”.

Ministria e Punëve të Jashtme nuk specifikoi se sa diplomatë do të dëbonte, megjithëse zëdhënësja e ministrisë Maria Zakharova i tha televizionit shtetëror Zvezda se Moska kishte vendosur të dëbonte më shumë se 20.

Rusia tha se e mori vendimin si përgjigje ndaj urdhërit të Gjermanisë për një “dëbim masiv” të diplomatëve rusë, pa specifikuar detaje të mëtejshme. Ministria e Jashtme gjermane konfirmoi për gazetën gjermane Deutschlandfunk vetëm se kishte qenë në kontakt me autoritetet ruse në lidhje me çështjet e personelit, shkruajnë mediat e huaja. 

Gjermania ishte informuar për lëvizjen në fillim të muajit, shtoi ministria e jashtme ruse në deklaratë. Që nga fillimi i luftës në Ukrainë, tensionet mes Moskës dhe Berlinit janë rritur. Në prill të vitit të kaluar, qeveria gjermane dëboi rreth 40 diplomatë rusë nga vendi. 

maria zakharova

Sondazh

Poll

MË SHUMË