Aktualitet

Mori peng të dashurën dhe e TORTUROI për një javë, Gjykata cakton 'arrest me burg' për Gleard Gushollin

Për 4 miqtë e Gushollit, të cilët fshehën ngjarjen, Gjykata ka kërkuar 'detyrim paraqitje'.

18 Prill 2023, 09:53 Nga A.B

Mori peng të dashurën dhe e TORTUROI për një javë,
Gleard Gusholli

TIRANË- Gjykata e Tiranës ka caktuar masën e sigurisë 'arrest me burg' për Gleard Gushollin, 31-vjeçarin i cili mbajti për një javë në banesë dhe dhunoi partneren e tij. Po ashtu, për 4 miqtë e tij, Gjykata ka kërkuar 'detyrim paraqitje', pasi nuk kallëzuan krimin dhe ndihmuan autorin që të largohet nga vendi i ngjarjes.

Për Gushollin janë ngritur akuzat: heqje e paligjshme e lirisë dhe dhunë në familje nëpërmjet kanosjes dhe kërcënimit për vrasje.

Në seancë ai është shprehur se: Gjithçka ka ndodhur për shkaqe xhelozie”.

SI KA NDODHUR HISTORIA?

E reja që është shtetase gjermane, u mbajt peng për një javë dhe u dhunua në mënyrë brutale nga i dashuri i saj, Gleard Gusholli, 31 vjeç. Dyshja janë njohur në Gjermani ku vajza është lindur e rritur dhe kishte nisur punë si infermiere.

Gusholli u paraqit si pacient në spitalin gjerman dhe aty ka rënë në kontakt me 28-vjeçaren. Njohja u kthye në një lidhje dashurie, por i riu nisi të ushtronte dhunë. Dyshja u ndanë, por muaj më vonë e reja e fali dhe vendosi t’i jepte një mundësi të dytë. Të dy u kthyen në Shqipëri për të nisur jetën nga e para, por i riu rinisi dhunën. Për një javë rresht e dhunoi me karrige e sende të forta dhe e detyroi të konsumonte lëndë narkotike.

Deri më tani, dyshohet se shkak për ngjarjen e rëndë u bë xhelozia. 31-vjeçari Gusholli ka thënë se dhunën e ka ushtruar pasi dyshonte se e reja e tradhtonte. Por, i riu e fajësonte se për shkakun e saj nuk shkelte dot në Gjermani, pasi dyshonte se kjo e fundit e kishte kallëzuar pas dhunës së ushtruar ndaj saj. Vajza shpëtoi pasi në momentin që Gusholli telefonoi kushërirën e tij, ajo bëritit dhe kërkoi ndihmë. Ishte kushërira dhe motra e 31-vjeçarit që e dërguan në spital. Tashmë ajo është marrë në mbrojtje nga policia./Dosja.al

gleard gusholli merret peng 28-vjecarja ne tirane

Sondazh

Poll

MË SHUMË