Sport

VIDEO/ Vdiq futbollisti tunizian, i cili i vuri zjarrin vetes para një komisariati policie, atë e akuzuan për terrorizëm!…

Nizar Issaoui u shtrua në një spital, por nuk mundi të fitonte luftën për jetën pas djegieve të shkallës së tretë.

15 Prill 2023, 11:03 Nga DOSJA

VIDEO/ Vdiq futbollisti tunizian, i cili i vuri zjarrin vetes para një

TUNIZI - Nizar Issaoui, futbollisti amator tunizian, i cili u dogj në fillim të javës para një komisariati policie, pasi u akuzua për terrorizëm, humbi jetën të premten në spital, si pasojë e djegieve të rënda që pësoi.

"Për shkak të një debati me një person, që shet banane për 10 dinarë, shkoj në një stacion policor dhe ata më marrin në pyetje për terrorizëm. Terrorizëm për shkak të një ankese për banane!",- tha Issaoui, 35 vjeç në videon e shpërndarë në mediat sociale, pak pasi viktima i vuri flakën rrobave të tij para komisariatit.

Ka pasur shumë protesta nga familja e lojtarit, që lë katër fëmijë, dhe një numër i madh qytetarësh janë mbledhur para komisariatit, ku edhe ka ndodhur ngjarja. Issaoui, i cili u shtrua në njësinë e djegieve të një spitali lokal, me djegie të shkallës së tretë, nuk arriti të fitonte betejën për jetën nga plagët e marra.

B.T (Dosja.al)

Sondazh

Poll

MË SHUMË