Bota

Universitetet në Danimarkë ndalojnë përdorimin e Tik-Tok për punonjësit

Departamenti propozoi më herët që punonjësit e qeverisë të mos kenë të instaluar TikTok në celularët e tyre, tabletët ose ndonjë pajisje tjetër komunikimi për shkak të shqetësimeve të privatësisë.

14 Prill 2023, 21:04 Nga a.l
Universitetet në Danimarkë ndalojnë përdorimin e Tik-Tok
Tik Tok

DANIMARKË- Universitetet e Danimarkës kanë ndaluar pwrdorimin e aplikacionit tw TikTok për punonjësit e tyre. Thomas Buchvald Vind, drejtori i universitetit, në një deklaratë për shtyp, tha se vendimi u mor me propozim të Qendrës Daneze për Sigurinë Kibernetike. Departamenti propozoi më herët që punonjësit e qeverisë të mos kenë të instaluar TikTok në celularët e tyre, tabletët ose ndonjë pajisje tjetër komunikimi për shkak të shqetësimeve të privatësisë, shkruajnë mediat e huaja. 

“Në të njëjtën kohë, Rektorati ka vendosur që fakultetet dhe administratorët e tjerë të mos përdorin TikTok-un për marketing, pasi SDU-ja po ashtu ka ndërprerë mbështetjen për TikTok”, thuhet në njoftimin për shtyp.

Universiteti Teknik i Danimarkës, Universiteti Roskilde, Universiteti i Kopenhagës, Universiteti IT i Kopenhagës dhe Shkolla e Biznesit e Kopenhagës dhe Universiteti Aarhus, kanë njoftuar tashmë ndalimet e TikTok.

TikTok është në pronësi të ByteDance – një firmë kineze e dyshuar nga autoritetet perëndimore se i ka kaluar të dhënat e përdoruesve qeverisë kineze. Firma ka pohuar se ndalimet mbi të bazohen në një "keqkuptim themelor të strukturës së korporatës".

tik-tok

Sondazh

Poll