Bota

Zgjedhjet në veri të Kosovës/ KQZ miraton listën e qendrave të votimit dhe sloganin: Për komunën tonë voto

KQZ-ja do të hapë edhe 13 qendra të tjera alternative të votimit (Kontejnerë). Këto qendra do të hapen pas rekomandimeve të institucioneve të sigurisë.

14 Prill 2023, 14:58 Nga a.l
Zgjedhjet në veri të Kosovës/ KQZ miraton listën e qendrave
Zgjedhjet në veri të Kosovës

KOSOVË- Komisioni Qendror i Zgjedhjeve ka miratuar lidtën e qendrave të votimit për zgjedhjet e 23 prillit në 4 komunat në veri të Kosovës, Mitrovicë e Veriut, Zubin Patok, Leposaviç dhe Zveçan. 

Në mbledhjen e KQZ-së është vendosur që nga 44 qendra të votimit në veri, në të cilat janë zhvilluar zgjedhjet në të kaluarën, më 23 prill do të hapen vetëm 6 prej tyre. KQZ-ja do të hapë edhe 13 qendra të tjera alternative të votimit (Kontejnerë). Këto qendra do të hapen pas rekomandimeve të institucioneve të sigurisë.

KQZ-ja po ashtu miratoi rekomandimin për rritjen e numrit të votuesve për vendvotime për zgjedhjet e jashtëzakonshme për Kryetar të komunave: Mitrovicë e Veriut, Zubin Potok, Leposaviç dhe Zveçan, si dhe zgjedhjet e parakohshme për kuvendet e Komunave: Zveçan dhe Leposaviç. Ku sipas KQZ nga 750 votues numri i tyre rritet në 2 000. KQZ po ashtu ka miratuar sllogani dhe llogon për këto zgjedhje. Sllogani është  “Për Komunën tënde voto”.

Zgjedhjet në Veri të Kosovës

Zgjedhjet e jashtëzakonshme për kryetarët e Mitrovicës së Veriut, Leposaviqit, Zveçanit dhe Zubin Potokut, janë shpallur për 23 prill, pasi kryetarët e Listës Serbe kanë dhënë dorëheqje për shkak të vendimit të Qeverisë së Kosovës për zbatimin e procesit të riregjistrimit të automjeteve nga targat serbe në targa të Kosovës. Zgjedhjet e paralajmëruara më parë, për 18 dhjetor të vitit të kaluar, u shtynë me kërkesë të bashkësisë ndërkombëtare. Afati për paraqitjen e kandidaturave ka skaduar më 22 mars. Komisioni Qendror i Zgjedhjeve i Kosovës ka bërë të ditur se nuk ka aplikime të reja, por vetëm u janë konfirmuar kandidaturat atyre që kanë aplikuar për pjesëmarrje në zgjedhjet e 18 dhjetorit. Kjo do të thotë se janë gjithsej 11 kandidatë nga katër subjekte politike, prej të cilëve vetëm dy janë të komunitetit serb.

zgjedhjet ne veri te kosoves

Sondazh

Poll

MË SHUMË