Art&Argëtim

Komentet për trupin/ Reagon Ariana Grande: Më parë merrja antidepresantë (VIDEO)

Ariana Grande ka reaguar ndaj paragjykimeve që i janë bërë trupit të saj ndër vite.

13 Prill 2023, 14:55 Nga a.d
Komentet për trupin/ Reagon Ariana Grande: Më parë merrja
Ariana Grande

SHBA-Ditën e djeshme, ylli ndërkombëtar i muzikës, Ariana Grande, ka postuar një video në Tiktok ku reagon për thashethemet rreth trupit të saj ndër vite. Këngëtarja filloi duke përmendur paragjykimet që i bëhen trupit të saj dhe aludimet se nuk është në nje gjendje të mirë shëndetësore.

“Trupi im i disa viteve më parë, me të cilin krahasoni trupin tim aktual, ka qenë versioni im më i pashëndetshëm. Merrja antidepresantë, pija shumë dhe nuk ushqehesha mirë. Ajo që ju e quani të shëndetshme, ka qenë pika ime më e ulët.”, shpjegoi këngëtarja.

Ajo vazhdoi duke thënë: “E di që nuk kam pse jap shpjegime për këtë. Por ndjej se diçka e mirë mund të vijë nga të paturit një lloj çiltërsie dhe ndjeshmërie.”

@arianagrande

♡

♬ original sound - arianagrande

Ajo që Ariana do të tregojë në videon që tashmë ka arritur 66 milionë shikime, është se askush nuk duhet të komentojë mbi trupat e të tjerëve, duke qenë se asnjëherë nuk mund t’a dinë çfarë janë duke kaluar. Grande e mbylli videon me një mesazh për fansat duke thënë: “Ju dërgoj shumë dashuri dhe mendoj se jeni të bukur pavarësisht asaj që po kaloni, pavarësisht peshës suaj, mënyrës si e bëni tualetin këto ditë apo procedurave kozmetike që keni zgjedhur të bëni.” Fansat menjëherë kanë bërë reagime pozitive, duke i treguar mbështetjen e tyre.

Kjo nuk është hera e parë që Ariana e përdor platformën e saj për të folur mbi shëndetin mendor. Në vitin 2018 ajo u shpreh se vuante nga Çrregullimi i stresit post-traumatik që erdhi si pasojë e e bombimit të koncertit të saj në Manchester City./Dosja.al

arianagrande tiktok

Sondazh

Poll

MË SHUMË