Bota

Ambasada e SHBA në Bosnjë Hercegovinë paralajmëron Milorad Dodik: S'qëndrojmë duarkryq nëse nxit konflikt në vend

Ambasada e SHBA-ve në Bosnjë Hercegovinë, ka paralajmëruar udhëheqësin serb të republikës Srpska, Milorad Dodik se nuk do të qëndrojnë duarkryq nëse ky i fundit tenton të nxisë konflikte ndëretnike në vend. 

11 Prill 2023, 23:35 Nga k.m.
Ambasada e SHBA në Bosnjë Hercegovinë paralajmëron Milorad
Milorad Dodik

SARAJEVË- Udhëheqësi serb Milorad Dodik ka kërcënuar se do të ndërpresë kontaktet me diplomatët dhe ambasadat amerikane dhe britanike në Bosnje-Hercegovinë. Zyra e Dodik tha në një deklaratë më 17 mars se është formuar një ekip për "përpilimin e informacionit gjithëpërfshirës mbi aktivitetet anti-Dayton të diplomatëve dhe ambasadave amerikane dhe britanike dhe ndërhyrjen e tyre në punët e brendshme të Bosnjë-Hercegovinës".

Deklarata i referohej Marrëveshjes së Dejtonit të vitit 1995, e cila i dha fund luftës civile në Bosnje dhe krijoi një sistem administrativ sipas të cilit Bosnja mbetet e ndarë midis një entiteti serb -- Republika Srpska -- dhe federatës boshnjako-kroate të lidhur nga një qeveri e dobët qendrore.

Nga ana tjetër, Ambasada e SHBA-ve në Bosnjë Hercegovinë, ka paralajmëruar udhëheqësin serb të republikës Srpska, Milorad Dodik se nuk do të qëndrojnë duarkryq nëse ky i fundit tenton të nxisë konflikte ndëretnike në vend. Në deklaratë thuhet se SHBA-të do të mbrojnë integritetin territorial të Bosnjë Hercegovinës duke mos lejuar që Dodik të nxisë konflikte në popullsinë multietnike të shtetit ballkanik.

“Nuk ka asnjë të drejtë sipas Kushtetutës së Bosnje dhe Hercegovinës që një entitet apo ndonjë njësi tjetër nënshtetërore të shkëputet dhe Shtetet e Bashkuara nuk do të qëndrojnë boshe nëse Milorad Dodik vepron për të ndezur një tjetër konflikt në BiH. Shtetet e Bashkuara, ashtu siç kanë bërë për gati 30 vjet, do të veprojnë për të mbrojtur integritetin territorial, sovranitetin dhe karakterin multi-etnik të Bosnje dhe Hercegovinës,”- shkruhet në njoftimin e Ambasadës.

Ata shtuan se retorika dhe kërcënimet e Dodik janë një përpjekje për të shpërqendruar nga problemet reale me të cilat përballen qytetarët.

“Sa i përket kërcënimit të Milorad Dodikut se do të ndërpresë bashkëpunimin me NATO-n, do t'i kujtojmë se Ligji për Mbrojtjen e vitit 2005 i detyron autoritetet e nivelit shtetëror të kryejnë aktivitetet e nevojshme për anëtarësimin e Bosnjë-Hercegovinës në NATO. Kjo përfshin mbështetjen e një partneriteti dhe bashkëpunimi të fortë me NATO-n. Milorad Dodik nuk ka asnjë autoritet për të pezulluar ose ndryshuar në mënyrë të njëanshme këtë apo ndonjë ligj tjetër,”- përfundoi Ambasada.

Dodik, kohët e fundit e ka quajtur Bosnjën një shtet të dështuar./RFERL

milorad dodik

Sondazh

Poll

Bota 11 Prill 2023, 23:30 k.m.

Sulmohet gazetari Valon Syla

Valon Syla PRISHTINË- Gazetari dhe analisti i emisionit Pressing në T7, Valon Syla është sulmuar sonte nga tre persona. Si pasoj&...

MË SHUMË