Aktualitet

Të vendosur para Hipotekës! Qytetarët e Bërxullës i drejtohen Bicit: Bëni matjet e pronave!

Qytetari u shpreh se ato po sillen vërdallë nga një institucion në tjetrin, duke mos iu dhënë sqarime dhe informacion të saktë me atë që po ndodh me pronat e tyre.

11 Prill 2023, 10:29 Nga A.B
Të vendosur para Hipotekës! Qytetarët e Bërxullës i
Banori

TIRANË- Banori i Bërxullës i ka bërë thirrje drejtoreshës së Hipotekës, Dallëndyshe Bicit që të nxjerrë në terren një grup pune që të vlerësojë pronat e tyre. Gjatë protestës së tyre, ai u shpreh se qytetarët që jetojnë në fshatin Bërxullë po sillen vërdallë nga një institucion në tjetrin, duke mos iu dhënë sqarime dhe informacion të saktë me atë që po ndodh me pronat e tyre.

“Dallëndyshe Bici të ngrejë një grup që të dalë në terren dhe të bëjë matjet dhe certifikimin e pronave faktike. Sipas informimi tim populli i Berxullës vjen vërdallë sa nga një bashki në një tjetër apo në Këshillin e Qarkut. Kanë përplasje me AMPT-në.”, tha ai.

Çfarë ka ndodhur me banorët?

Banorët e Bërxullës kanë 7 muaj që protestojnë kundër ndërtimit të aksit 'Thumanë-Kashar', segmenti 20.9 kilometrash pjesë e autostradës Milot –Fier. Me ndryshimin e projektit banorët deklarojnë se parashikohet të shemben banesat e tyre. Ato nuk bien dakord me vlerën e shpronësimit për banesën dhe tokën. Të vendosur, thonë se ato do të mbrojnë tokat e tyre deri në vetëflijim, dhe se nuk do të lejojnë firmën 'Gener 2' të futet në tokat e tyre, pa arritur më parë një marrëveshje me to./Dosja.al

protesta e banoreve te berxulles

Sondazh

Poll

MË SHUMË