Aktualitet

Tenderi për drutë! Kush është pronari i ‘Alcani shpk’, që kërcënoi me jetë familjen e biznesmenit nga Cërriku

Babë e bir kanë paguar persona me rekorde kriminale që të përndiqnin e kërcënonin biznesmenin Eral Myftaraj.

10 Prill 2023, 14:36 Nga A.B
Tenderi për drutë! Kush është pronari i ‘Alcani
Shaqir Alcani

TIRANË- Personi në foto është Shaqir Alcani, personi i cili së bashku me të birin kërcënuan biznesmenin Eral Myftaraj, që të tërhiqej nga një tender 1 milionë eurosh për furnizimin me lëndë drurësore në shkolla. Së bashku me djalin e tij, kërcënuan biznesmenin, pasi donin që tenderin ta përfitonin vetë. 

Raportohet se babë e bir kanë paguar persona me rekorde kriminale që të përndiqnin e kërcënonin biznesmenin Eral Myftaraj. Njerëzit që u paguan për të kërcënuar biznesmenin janë nga Lezha e Burrelli, por jetojnë në Kamëz.

Si ndodhi kërcënimi?

Myftaraj, që zotëron një kompani me zyrat qendrore në Cërrik fitoi një tender 1 milion eurosh për furnizimin me lëndë drusore në shkolla. Ai u kërcënua që të hiqte dorë, në të kundërt do t’i vrisnin anëtarët e familjes. Por, biznesmeni s’u tërhoq dhe bëri kallëzim në polici, pas të cilit ndodhën dhe arrestimet. Babë e bir, Shaqir dhe Algert Alcani dyshohet se janë organizatorët. Kjo pasi, Shaqir Alcani është pronar i ‘Alcani Sh.p.k’ që fitonte thuajse gjithë tenderat për lëndët drusore që jepeshin nga Bashkia Tiranë dhe këtë herë s’e kanë pranuar humbjen përballë Myftarajt./Dosja.al

shaqir alcani kercenohet biznesmeni

Sondazh

Poll

MË SHUMË