Bota

Protestë antiqeveritare në Gjeorgji, demostruesit bëjnë thirrje për të ardhmen evropiane

Demostruesit akuzojnë partinë qeverisëse Gjeorgjiane se është nën ndikimin e Rusisë dhe bëjnë thirrje për demokraci.

10 Prill 2023, 09:02 Nga f.i
Protestë antiqeveritare në Gjeorgji, demostruesit bëjnë
protesta në Gjeorgji

GJEORGJI- Mijëra protestues u mblodhën jashtë parlamentit të Gjeorgjisë për një tubim të organizuar nga forca kryesore opozitare e vendit, Lëvizja e Bashkuar Kombëtare. Mediat e huaja raportojnë se demostruesit akuzojnë partinë qeverisëse Gjeorgjiane se është nën ndikimin e Rusisë dhe bëjnë thirrje për demokraci.

Tubimi u organizua nga partia kryesore opozitare në mbështetje të ish-presidentit të burgosur Mikheil Saakashvili. Protestuesit jashtë ndërtesës së parlamentit në kryeqytetin Tbilisi valëvitën flamujt e Gjeorgjisë, Ukrainës dhe Bashkimit Evropian dhe mbanin një pankartë të madhe ku shkruhej: "Për një të ardhme evropiane".

Qeveria gjithashtu është akuzuar për burgosjen e kundërshtarëve politikë dhe heshtjen e mediave të pavarura. 

Muajin e kaluar, protestat masive detyruan qeverinë të braktiste një projektligj që do të kërkonte që çdo organizatë joqeveritare që merrte para nga jashtë të regjistrohej si "agjente e ndikimit të huaj". Kundërshtarët thanë se projektligji ishte modeluar sipas atij të paraqitur në Rusi në vitin 2012 për të shtypur disidencën dhe e quajtën atë një hap drejt autoritarizmit. Protestat panë që policia përdori topa uji dhe sprej piper mbi të pranishmit.

protesta ne gjeorgji

Sondazh

Poll

MË SHUMË