Bota

Zhduket helikopteri ushtarak UH-60JA pranë një ishulli në japoni, autoritetet në kërkim të 10 pasagjerëve

Roja bregdetare japoneze ka gjetur disa pjesë mbeturinash që besohet se janë nga helikopteri, duke përfshirë një derë, një seksion krahu dhe një varkë shpëtimi ende në mbështjellësin e tij.

7 Prill 2023, 11:05 Nga f.i
Zhduket helikopteri ushtarak UH-60JA pranë një ishulli në japoni,
helikopteri ushtarak UH-60JA

JAPONI- Ministria e Mbrojtjes e Japonisë ka njoftuar se një helikopter ushtarak UH-60JA është zhdukur pranë një ishulli në pjesën jugore të vendit. Mediat e huaja raportojnë se autoritetet janë në kërkim të 10 pasagjerëve. 

Dy pilotë, dy inxhinierë dhe gjashtë anëtarë të ekuipazhit ishin në bordin e UH-60JA të forcave tokësore japoneze kur u zhduk pranë ishullit Miyako, prefektura Okinawa. Roja bregdetare japoneze ka gjetur disa pjesë mbeturinash që besohet se janë nga helikopteri, duke përfshirë një derë, një seksion krahu dhe një varkë shpëtimi ende në mbështjellësin e tij.

'Ne kemi kryer operacione kërkimi dhe shpëtimi në zonë gjatë gjithë natës, por ende nuk kemi gjetur gjeneralin  Sakamoto të Divizionit të 8-të të Ushtrisë, as nëntë të tjerët në bord,”- tha Ministri i Mbrojtjes Yasukazu Hamada.

Zhdukja e helikopterit vjen vetëm disa ditë pasi nëntë ushtarë amerikanë u vranë në një përplasje në ajër që përfshinte dy helikopterë Black Hawk pranë Fort Campbell, Kentaki.

zhduket helikopteri ne japoni yasukazu hamada

Sondazh

Poll

MË SHUMË