Sport

Arrestohen grabitësit e orës super të çmuar të pilotit Charles Leclerc… ishin bandë

Policia italiane njoftoi të martën arrestimin e hajdutëve që i vodhën orën pilotit të Formula 1, Charles Leclerc një vit më parë në prill të 2022.

5 Prill 2023, 07:55 Nga DOSJA
Arrestohen grabitësit e orës super të çmuar të

ITALI - Karabinierët italianë zbuluan të martën arrestimin e tre burrave dhe një gruaje, të dyshuar se i kishin vjedhur në prill 2022 në Itali, një orë luksoze pilotit të Formula 1,  Charles Leclerc.

Sipas një njoftimi për shtyp nga karabinierët, njëri nga burrat dhe gruaja ndoqën Charles Leclerc me makinë gjatë udhëtimeve të tij në Toskana, dhe ndihmuan dy bashkëpunëtorët e tyre të iknin me një skuter të fuqishëm pas vjedhjes së orës së çmuar.

Shoferit të Ferrarit dyshohet se i është hequr ora nga kyçi i dorës, nga një admirues i supozuar, i cili donte të bënte një selfie me të.

Agjencia Ansa saktëson se bëhet fjalë për një orë Richard Mille. Në faqen e saj, prodhuesi zviceran i orës tregon se Charles Leclerc mban modelin RM 67-02, një orë me vlerë rreth 300.000 euro, por një kopje e të njëjtit prototip të shitur në vitin 2021 nga shtëpia e ankandeve Christie's kishte gjetur një blerës për 2.1 milion euro. Ora e vjedhur nuk është gjetur.

Karabinierët italianë pohojnë gjithashtu se katër të dyshuarit, nga Napoli (jug-perëndim), tentuan që në të njëjtën ditë të vjedhjes së orës së Charles Leclerc, t'i vidhnin një shtetasi italian një orë tjetër me vlerë 40.000 euro, por nuk ia dolën.

Ata dyshohen edhe për vjedhjen, në gusht 2021, të një ore me vlerë 80 mijë euro, të vjedhur me armë nga një turist francez në Toskanë. Gjatë kontrolleve të kryera në shtëpitë e tyre, u gjetën "dy ora luksoze prejardhja e të cilave nuk mund të justifikohej" si dhe 23.000 euro para të gatshme, thuhet në deklaratë.

B.T (Dosja.al)

Sondazh

Poll

MË SHUMË