Sport

Ndryshon gjithçka çka dimë për Shumacher, Jean Todt flet hapur: “Kjo është një gënjeshtër!”

Duket se informacionet që u shfaqën për Michael Schumacher nuk janë të sakta, sipas Jean Tod, mikut më të mirë të pilotit të famshëm të makinës.

5 Prill 2023, 00:53 Nga DOSJA
Ndryshon gjithçka çka dimë për Shumacher, Jean Todt flet

FRANCE - Kampioni legjendar i Formula 1, Michael Schumacher, pati një aksident të tmerrshëm në ski në fund të vitit 2013, dhe që atëherë askush përveç njerëzve më të afërt nuk e ka parë atë. Mirëpo, herë pas here dalin informacione të reja për gjendjen e tij misterioze, ndaj kishte nga ata si Eddie Jordan që ia ktheu Corinna Schumacher-it, thuhej se ajo fsheh të vërtetën e vërtetë për Michael, se piloti gjerman është koshient dhe ndjek garat e djali të tij Mik, për të komunikuar... Dhe kushedi çfarë tjetër!

Megjithatë, shoku i tij më i mirë Jean Tod pretendon se e gjitha është një gënjeshtër. Todt dhe Schumacher punuan së bashku në Ferrari dhe ishin të pandashëm, dhe ai është një nga të paktët njerëz që patën mundësinë ta shohin Michael pas aksidentit. Tani ai donte t'i jepte fund të gjitha spekulimeve që qarkullonin në publik.

"Ju lutem, le ta lëmë të qetë. Ne respektojmë dëshirën e gruas së tij Corinnës dhe fëmijëve për privatësi, duke ditur pasojat e atij aksidenti. Kushdo që pretendon publikisht se di diçka, nuk di asgjë. Gjatë gjithë kësaj kohe unë e shoh dhe e vizitoj. Ai dhe familja e tij janë pjesë e imja, rimëkëmbja po shkon gradualisht”, tha Jean Tod (77) në një intervistë, duke dashur t’i jepte fund të gjitha spekulimeve dhe informacioneve “ekskluzive” që shfaqen në publik.

Kohët e fundit, një person dyshohet se ka fotografuar Michael Schumacher dhe ka kërkuar një shumë marramendëse nga mediat që po "garojnë" për të publikuar lajmet më të fundit për kampionin e Formula 1, megjithatë, kur familja njoftoi publikisht se ata e dinin se kush qëndron pas gjithçkaje - historia u shua, brenda natës dhe sot e kësaj dite askush nuk ka postuar një foto.

Jean Todt dhe Michael Schumacher punuan së bashku në Ferrari nga viti 2000 deri në 2004, kur piloti gjerman fitoi deri në pesë tituj radhazi të kampionatit të Formula 1.

B.T (Dosja.al)

Sondazh

Poll

MË SHUMË